پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى گەورگي كيم باستاعان كوميتەت دەپۋتاتتارى قاراعاندى وبلىسىنا باردى.
ساپار ماقساتى مەملەكەت باسشىسىنىڭ بەس الەۋمەتتىك باستاماسىن حالىققا تۇسىندىرۋگە ارنالدى. سەناتورلار وبلىستاعى قالالار مەن شالعاي اۋىلدارعا بارىپ, ەڭبەك ۇجىمدارىمەن, اۋىل ەڭبەككەرلەرىمەن جانە ستۋدەنتتەرمەن كەزدەسۋدى جوسپارلاپ وتىر.
دەپۋتاتتار بۇگىن وبلىس اكىمى ەرلان قوشانوۆپەن كەزدەستى. ايماق باسشىسى سەنات دەپۋتاتتارىمەن كەزدەسۋدە ەلباسىنىڭ بەس الەۋمەتتىك باستاماسىن ءتۇسىندىرۋ جونىندە جەرگىلىكتى اقپاراتتىق توپتاردىڭ جۇمىسى تۋرالى ايتتى.
– پارلامەنت دەپۋتاتتارىمەن كەزدەسۋلەر ءبىزدىڭ مەملەكەت باسشىسىنىڭ باستامالارىنا تەرەڭ ۇڭىلۋگە مۇمكىندىك بەرەدى, - دەدى وبلىس اكىمى. بۇل باستامالار قاراعاندىلىقتارعا وتە ماڭىزدى. ول ەڭ ءبىرىنشى قىزىلوردا-جەزقازعان-قاراعاندى-تەمىرتاۋ-استانا باعىتى بويىنشا سالىناتىن «سارىارقا» گاز قۇبىرىنىڭ قۇرىلىسى بولىپ وتىر. بۇل قۇبىر ءبىزدىڭ وبلىس تۇرعىندارىنىڭ ۇشتەن ەكىسىنىڭ ءومىرىن جاقسارتاتىن بولادى. ول دەگەنىمىز – ميلليونعا جۋىق ادام.
گەورگي كيم بەس الەۋمەتتىك باستامانى ىسكە اسىرۋ جونىندەگى اۋقىمدى جۇمىستار الدا تۇرعانىن حابارلادى.
– مەملەكەت پرەزيدەنتتىڭ بەس الەۋمەتتىك باستاماسىن ىسكە اسىرۋ ءۇشىن بازا جاساۋدا. بۇگىن ءبىز بارلىق ۇسىنىستاردى ەسكەرۋ ءۇشىن جاعدايدى بىلۋگە قاراعاندى وبلىسىنا كەلىپ وتىرمىز, - دەدى كوميتەت باسشىسى.
بۇگىن cەناتورلار گەورگي كيم مەن ۆلاديمير ۆولكوۆ ە.بۋكەتوۆ اتىنداعى قاراعاندى مەملەكەتتىك ۋنيۆەرسيتەتىندە بولىپ, پروفەسسورلىق-وقىتۋشىلار قۇرامىمەن, ستۋدەنتتەرمەن, ماگيسترانتتارمەن جانە دوكتورانتتارمەن كەزدەستى. شارا بارىسىندا دەپۋتاتتار پرەزيدەنت باستامالارى, اسىرەسە جاستارعا زور مۇمكىندىكتەر بەرەتىنىن اتاپ ءوتتى. گ. كيم مەن ۆ. ۆولكوۆ مەملەكەت باسشىسىنىڭ جوعارعى ءبىلىم بەرۋ جۇيەسىن جاڭعىرتۋعا باعىتتالعان تاپسىرمالارىنا ەگجەي-تەگجەيلى توقتالدى. سەناتورلار ستۋدەنت جاتاقحانالارىندا تۇرۋ جاعدايىنا, جوعارى وقۋ ورىندارىندا وقۋ ءۇشىن مەملەكەتتىك گرانتتارىن ءبولۋ جانە تۇلەكتەردى جۇمىسقا ورنالاستىرۋ ماسەلەلەرىنە باسا نازار اۋداردى. سەناتور ۆ. ۆولكوۆ ءوز سوزىندە ءار وتباسىنا تۇرعىن ءۇي ساتىپ الۋعا ارنالعان تۇرعىن ءۇي يپوتەكاسىنىڭ شارتتارىن جەڭىلدەتۋ جونىندەگى پرەزيدەنتتىك باستامالاردىڭ ماڭىزدى ءرولىن اتاپ ءوتتى.