پارلامەنت سەناتى ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى اسقار بەيسەنباەۆ پەن سەنات دەپۋتاتى ەدىل مامىتبەكوۆ رەسپۋبليكالىق قۇقىقتىق اقپارات ورتالىعى مەن ادىلەت مينيسترلىگى سوت ساراپتاماسى ينستيتۋتىندا بولدى.
پارلامەنت دەپۋتاتتارى ەڭبەك ۇجىمدارىمەن جۇزدەسۋلەردە مەملەكەت باسشىسىنىڭ بەس الەۋمەتتىك باستاماسىنىڭ ماڭىزىن جان-جاقتى ءتۇسىندىردى. سەناتور ا. بەيسەنباەۆ تۇرعىن ءۇي ساتىپ الۋداعى جاڭا مۇمكىندىكتەر, جوعارى وقۋ ورىندارى, ەڭبەكاقىنى كوتەرۋ, قارجىلاندىرۋ كولەمىن ۇلعايتۋ جانە استانانى گازبەن قامتاماسىز ەتۋدىڭ كەلەشەگى جونىندەگى تاپسىرمالار تۋرالى ەگجەي-تەگجەيلى باياندادى.
شاراعا قاتىسۋشىلار «7-20-25» باعدارلاماسىن ىسكە اسىرۋ تەتىكتەرى, شاعىن نەسيەنى جەڭىلدىكپەن الۋ مەن تەحنيكالىق ماماندىقتارعا ءبىلىم بەرۋ گرناتتارىن ءبولۋدىڭ شارتتارى تۋرالى ماسەلەلەردى كوتەردى.
دەپۋتاتتاردىڭ قۇقىقتىق اقپارات ورتالىعىنداعى كەزدەسۋىندە مەكتەپ تۇلەكتەرىنىڭ كورشىلەس ەلدەرگە ءبىلىم الۋعا كەتۋى تۋرالى ساۋالدار قويىلدى. سەناتورلار مەكتەپ تۇلەكتەرىنىڭ ەلدە قالۋىنىڭ ستاتەگيالىق ماڭىزى بار ەكەنى, سوندىقتان مەملەكەت جوعارى وقۋ ورىندارىندا وقۋ ءۇشىن قوسىمشا گرانتتار ءبولىپ وتىرعانى تۋرالى پىكىرىن ءبىلدىردى. دەپۋتات ە. مامىتبەكوۆ بيۋدجەت سالاسىنىڭ قىزمەتكەرلەرىنىڭ ەڭبەكاقىلارىن كەلەشەكتە كوتەرۋ جانە استاناداعى تۇرمىستىق قاتتى قالدىقتاردى جويۋ ماسەلەلەرى تۋرالى ءوز ويلارىن ورتاعا سالدى.