ۇلتتىق بانك يپوتەكالىق قارىزداردى قايتا قارجىلاندىرۋ باعدارلاماسىنا وزگەرىستەر ەنگىزدى

«باعدارلاماعا وزگەرىستەر مەن تولىقتىرۋلار ەكى بلوكتان تۇرادى. ءبىرىنشى بلوك مەملەكەت باسشىسىنىڭ 2018 جىلعى 10 قاڭتاردا قازاقستان حالقىنا جولداۋىندا ۇلتتىق بانككە بەرگەن تاپسىرماسىن ىسكە اسىرۋعا باعىتتالعان. مەملەكەت باسشىسى ۇلتتىق بانككە حالىققا 2016 جىلعى 1 قاڭتارعا دەيىن بەرىلگەن ۆاليۋتالىق يپوتەكالىق قارىزدار بويىنشا ماسەلەنى تۇپكىلىكتى شەشۋدى تاپسىردى. قازاقستاندا وسى باعدارلامانى ىسكە اسىرۋ ناتيجەسىندە ءىس جۇزىندە جەكە تۇلعالاردىڭ باسپانامەن جانە وزگە جىلجىمايتىن م ۇلىكپەن قامتاماسىز ەتىلگەن بارلىق ۆاليۋتالىق يپوتەكالىق قارىزدارى تەڭگەگە اۋىستىرىلاتىن بولادى», - دەپ اتاپ ءوتتى قارجى رەتتەۋشىسىنىڭ باسشىسى.

د. اقىشەۆ 2016 جىلعى 1 قاڭتاردان باستاپ كىرىستەرى شەتەل ۆاليۋتاسىندا ەمەس جەكە تۇلعالارعا شەتەل ۆاليۋتاسىندا جاڭا يپوتەكالىق قارىزدار بەرۋگە زاڭنامالىق تۇرعىدان تىيىم ەنگىزىلگەنىن ەسكە سالىپ, جاڭارتىلعان باعدارلامانىڭ نەگىزگى تالابىن ايتىپ ءوتتى. «باعدارلاما جەكە تۇلعالاردىڭ 2016 جىلعى 1 قاڭتارعا دەيىن الىنعان ۆاليۋتالىق يپوتەكالىق قارىزدارىن ۇلتتىق بانكتىڭ 2015 جىلعى 18 تامىزداعى باعامى بويىنشا تەڭگەمەن قايتا قارجىلاندىرۋدى كوزدەيدى. باعدارلاماعا ەنگىزىلگەن تولىقتىرۋلار 21 مىڭنان اسا قارىز الۋشىنىڭ قارىزدارىن وتەۋگە وڭتايلى جاعدايلار جاسايدى», - دەدى ول.

د. اقىشەۆ ۆاليۋتالىق يپوتەكالىق قارىز الۋشىلاردىڭ نازارىن باعدارلاما شەڭبەرىندە قارىزدى قايتا قارجىلاندىرۋ تۋرالى وتىنىشپەن ءوزىنىڭ كرەديت بەرگەن بانكىنە تەز ارادا جۇگىنۋ قاجەتتىلىگىنە اۋدارۋدى سۇرادى. «باعدارلاماعا ەنگىزىلگەن وزگەرىستەردىڭ ەكىنشى بلوگى 2004 - 2009 جىلدارداعى كەزەڭدە قارىز العان يپوتەكالىق قارىز الۋشىلارعا قولداۋ كورسەتۋگە باعىتتالعان. بۇل باعدارلاما شەگىندە بۇگىنگى كۇنى 23 مىڭنان استام قارىز الۋشىعا كومەك كورسەتىلدى. ولار وزدەرىنىڭ جالعىز باسپانالارىن ساقتاپ, يپوتەكالىق قارىزدارى بويىنشا تولەمدەرىن جەڭىلدەتە الدى.

اقشانى يگەرۋدىڭ رەۆولۆەرلىك تەتىگىن ەسكەرسەك, قايتا قارجىلاندىرىلعان قارىزدار سانى 2026 جىلعا دەيىن شامامەن 40 مىڭ بولادى دەپ بولجانىپ وتىر», - دەپ اتاپ ءوتتى ۇلتتىق بانك باسشىسى. سونداي-اق اق ول باعدارلاماعا وزگەرىستەر مەن تولىقتىرۋلاردى قابىلداۋ الدىندا بانكتەردىڭ, قوعامدىق بىرلەستىكتەردىڭ جانە قر ۇكىمەتىنىڭ ۇلكەن جۇمىس جۇرگىزگەنىن ءمالىم ەتتى. «جالپى العاندا مەملەكەت باسشىسىنىڭ تاپسىرمالارىن ءتيىمدى ىسكە اسىرۋ ماقساتىندا ۇكىمەتپەن بىرلەسىپ بانكتەر ءۇشىن جانە سول سياقتى قارىز الۋشىلار ءۇشىن سالىق ارتىقشىلىقتارىن بەرۋ بويىنشا جۇمىس جۇرگىزىلدى», - دەپ ناقتىلادى د. اقىشەۆ.

د. اقىشەۆ ۇلتتىق بانكتىڭ يپوتەكالىق قارىز الۋشىلارعا, ونىڭ ىشىندە حالىقتىڭ الەۋمەتتىك وسال توپتارىنا جاتاتىن قارىز الۋشىلارعا كومەك كورسەتۋدىڭ ءۇشىنشى كەزەڭىنە كىرىسكەنىن اتاپ ءوتتى. ء«بىز, مەملەكەتتىك قولداۋعا حالىقتىڭ الەۋمەتتىك وسال توپتارىنا جاتاتىن قارىز الۋشىلاردىڭ ەرەكشە مۇقتاج ەكەنىن كورىپ وتىرمىز. ولاردىڭ كوپشىلىگىنىڭ جالعىز تابىس كوزى ءىس جۇزىندە مەملەكەتتىك تولەمدەر مەن جاردەماقىلار بولىپ تابىلادى. كرەديتتەرىن تولەۋ ءۇشىن ولاردى بانكتەرگە بەرۋگە ءماجبۇر. قازىر ۇلتتىق بانك ماڭىزدى زاڭنامالىق باستاما جاسادى. ونىڭ ءمانى: قارىز الۋشىنىڭ يپوتەكالىق قارىز بويىنشا مىندەتتەمەلەرىن ورىنداماۋىنا بايلانىستى باعدارلاما شەڭبەرىندە بانكتەرگە ءوندىرىپ الۋ اينالىسى ناتيجەسىندە ولاردىڭ مەنشىگىنە وتكەن تۇرعىن ءۇيدى جالعا تاپسىرۋ قۇقىعى بەرىلدى. وسى تۇزەتۋ قارىز الۋشىعا وعان بۇرىن تيەسىلى بولعان تۇرعىن ءۇيدى ءوز مەنشىگىنە قايتارىپ الۋ مۇمكىندىگى بەرىلەدى», - دەدى ول. «مەملەكەتتىڭ وبەكتيۆتى جاعدايلار ناتيجەسىندە قيىن جاعدايعا تاپ بولعان يپوتەكالىق قارىز الۋشىلارعا كومەك كورسەتۋ بويىنشا بۇرىن-سوڭدى بولماعان شارالار قابىلدايتىنىن اتاپ وتكىم كەلەدى.

جيناقتالعان تاجىريبە ەسكەرىلە وتىرىپ قارجى رەتتەۋشىسىنىڭ كۇش-جىگەرى سونداي-اق يپوتەكالىق كرەديتتەۋدى ىنتالاندىرۋعا باعىتتالادى دەپ ويلايمىن. ماسەلەن, قازىرگى كەزدە ۇلتتىق بانك «7 - 20 - 25. ءاربىر وتباسى ءۇشىن تۇرعىن ءۇي ساتىپ الۋدىڭ جاڭا مۇمكىندىكتەرى» باعدارلاماسىن ازىرلەۋ بويىنشا جۇمىس جۇرگىزۋدە», - دەپ تۇيىندەدى د. اقىشەۆ.