قازاقستان باسشىسى نۇرسۇلتان نازارباەۆتىڭ بەس الەۋمەتتىك باستاماسى ەلدەگى نەگىزگى الەۋمەتتىك پروبلەمالاردى شەشۋگە باعىتتالعان ناقتى باعدارلاما بولىپ تابىلادى. سونداي-اق ول ەلدىڭ باسەكەگە قابىلەتتىلىگىن ارتتىرۋعا جانە نىعايتۋعا جاسالعان نىق قادام سانالادى. باستاما سونىسىمەن ەرەكشەلەنەدى.
پرەزيدەنتتىڭ ۇندەۋىندە تۇرعىنداردى قولجەتىمدى باسپانامەن قامتاماسىز ەتىپ, ەڭبەك ادامدارىنىڭ, ونىڭ ىشىندە تومەن ەڭبەكاقى الاتىنداردىڭ سالىق مولشەرىن تومەندەتۋ ماسەلەسى دە اتاپ وتىلگەن. مىنە, بۇل مىڭداعان قازاقستاندىقتاردىڭ ءومىر ءسۇرۋ دەڭگەيىن ايتارلىقتاي جاقسارتۋعا ىقپال ەتەدى, ولاردىڭ باسپانالى بولۋىنا جول اشادى. اسىرەسە بۇل جاس وتباسىلارعا مەملەكەت تاراپىنان جاسالاتىن قولداۋ-كومەك بولماق.
جوعارى ءبىلىم بەرەتىن وقۋ ورىندارىن ينۆەستيتسيالاۋ, شاعىن كاسىپورىنداردى سالۋ, بيزنەستى دامىتۋ جانە ەنەرگەتيكالىق ينفراقۇرىلىمدى جاقسارتۋ ەل بولاشاعى ءۇشىن اسا قاجەت. ءوز كەزەگىندە ول ەكونوميكالىق ماسەلەلەردى شەشەدى, جۇمىسسىزدار قاتارىن ەداۋىر ازايتادى. الداعى ۋاقىتتا ەلدىڭ ەكولوگيالىق جانە الەۋمەتتىك جاعىنان جاقسارۋىنا سەبەپ بولادى.
جالپى قازاقستان پرەزيدەنتىنىڭ بەس الەۋمەتتىك باستاماسى ەكونوميكالىق تۇرعىدان الىپ قاراعاندا جان-جاقتى ويلاستىرىلعان, كورەگەندىلىكپەن ولشەپ, ەلەكتەن وتكىزىلگەن. سونىمەن قاتار بۇل باستامالار بارلىق جاعىنان ءتيىمدى ءارى الەۋمەتتىك ماڭىزدى ماسەلەلەر سانالادى.
الفرەد گۋزەنباۋەر,
اۋستريانىڭ ەكس-كانتسلەرى