رەسەيدىڭ تەرگەۋ كوميتەتى كەمەروۆ قالاسىنداعى ساۋدا ورتالىعىندا بولعان ورتتەن 37 ادامنىڭ قازا تاپقانىن راستادى, دەپ حابارلايدى ريا نوۆوستي.
«قازىرگە دەيىن كەمەروۆ قالاسىنىڭ ورتالىعىنداعى ساۋدا ورتالىعىندا شىققان ورتتەن 37 ادامنىڭ قازا تاپقانى بەلگىلى بولدى. ۇيىندىلەر استىنان ادامداردى ىزدەستىرۋ جۇمىستارى جالعاسىپ جاتىر», دەلىنگەن حابارلامادا.
وسىعان دەيىن وڭىردەگى جەدەل ارەكەت ەتۋ قىزمەتىندەگى دەرەككوز مالىمەتىندە 69 ادامنىڭ (ونىڭ ىشىندە 40 بالا) ءىز-ءتۇسسىز جوعالىپ كەتكەنى ايتىلعان ەدى. زارداپ شەككەندەردىڭ كوبى اۋرۋحانادا جاتىر.
كەشە كۇندىز ءتورت قاباتتى ساۋدا ورتالىعىندا ءورت شىققانى تۋرالى حابار تۇسكەن. ءورت جوعارعى قاباتتان بولىپ, مىڭ جارىم شارشى مەتر اۋماقتى شارپىعان. شاتىرى وپىرىلعان.ء ورت تولىعىمەن ءسوندىرىلدى. Mash Telegram-ءارناسى ورتتىڭ كينوتەاتردا شىققانى تۋرالى حابارلادى. 100-دەن اسا ادام ەۆاكۋاتسيالاندى. ەسى شىققان ادامدار جوعارعى قاباتتاعى تەرەزەلەردەن سەكىرىپ جاتقانى جايلى دا اقپارات تاراۋدا.