تۇركيانىڭ كاستامونۋ قالاسىندا «كاستامونۋ - تۇركى الەمىنىڭ مادەني استاناسى» باعدارلاماسىنىڭ سالتاناتتى اشىلۋ ءراسىمى ءوتتى, دەپ حابارلايدى تۇركسوي ءباسپاسوز قىزمەتى.
كاستامونۋ مەرياسى مەن تۇركسوي ۇيىمداستىرعان مەرەكەلىك كەشكە تۇركيا رەسپۋبليكاسىنىڭ پرەمەر-ءمينيسترى بينالي يىلدىرىم, پرەمەر-ءمينيستردىڭ ورىنباسارى رەدجەپ اكتاگ, تۇركيا مادەنيەت جانە تۋريزم ءمينيسترى نۋمان كۋرتۋلمۋش, تۇركسوي ۇيىمىنىڭ باس حاتشىسى دۇيسەن قاسەيىنوۆ, كاستامونۋ پروۆينتسياسىنىڭ گۋبەرناتورى ياشار كارادەنيز, تۇركيانىڭ ۇلى جينالىسى دەپۋتاتتارى, ديپلوماتيالىق ميسسيا وكىلدىكتەرى, قوعامدىق ۇيىم جانە باق وكىلدەرى قاتىستى.
باسحاتشى دۇيسەن قاسەيىنوۆ ءوز سوزىندە كاستامونۋ تۇرعىندارىنىڭ مادەني استانا دارەجەسىن ماقتانىشپەن قابىلداعانىن, ەجەلگى تاريحى مەن باي مادەنيەتى بار قالانىڭ بۇل اتاققا لايىق ەكەنىن اتاپ ءوتتى. سالتاناتتى كەش مەرەكەلىك كونتسەرتكە ۇلاستى. وندا ازەربايجان, قازاقستان, قىرعىزستان, وزبەكستان, تۇركيا, تۇركىمەنستان, رەسەيدىڭ التاي, باشقۇرتستان, ساحا, داعىستان, بۋرياتيا ايماقتارىنان كەلگەن ارتىستەر مەن شىعارماشىلىق ۇجىمدار ونەر كورسەتتى.