تۇڭعىش پرەزيدەنتى - ەلباسىنىڭ قورى مەن سانكت-پەتەربۋرگ مەملەكەتتىك ۋنيۆەرسيتەتى مەموراندۋمعا قول قويدى

قر تۇڭعىش پرەزيدەنتى – ەلباسى قورى جەتەكشى عىلىمي ورتالىقتارمەن جانە جوعارى وقۋ ورىندارىمەن ارىپتەستىك قارىم-قاتىناس ورناتۋدا. قازاقستان مەن رەسەي اراسىنداعى ستراتەگيالىق ارىپتەستىكتى ەسكەرە وتىرىپ, دارىندى جاستاردى قولداۋ جانە بىلىكتىلىگى جوعارى كادرلار دايارلاۋ سياقتى گۋمانيتارلىق ىنتىماقتاستىق سالاسىنداعى ءىس-شارالاردىڭ ەكى جاققا دا  ماڭىزى ەرەكشە.

سونىمەن, مەموراندۋمنىڭ باستى ماقساتى عىلىم, ءبىلىم بەرۋ, مادەنيەت جانە جاستار باستامالارىن قولداۋ سالاسىنداعى ىنتىماقتاستىقتى نىعايتۋ جانە دامىتۋ بولىپ تابىلادى.

ەكى جاقتى ىنتىماقتاستىقتىڭ نەگىزگى باعىتتارى عىلىم, ءبىلىم بەرۋ, مادەنيەت جانە دارىندى جاستاردى قولداۋ بولىپ تابىلادى, اتاپ ايتقاندا زەرتتەۋشىلەر جانە ستۋدەنتتەرمەن الماسۋ; ۋنيۆەرسيتەتتەر, زەرتتەۋ ورتالىقتارى جانە باسقا دا مەكەمەلەر اراسىندا تىكەلەي بايلانىستى جانە ىنتىماقتاستىقتى دامىتۋ; كونفەرەنتسيالار, سەمينارلار, تۇساۋكەسەرلەر, دوڭگەلەك ۇستەلدەر جانە وزگە دە عىلىم, ءبىلىم بەرۋ جانە مادەنيەت سالاسىنداعى ءىس-شارالاردى وتكىزۋ. سونداي-اق دارىندى جاستاردى قولداۋ ماقساتىندا اتاۋلى ستيپەنديالار تاعايىنداۋ مۇمكىندىگى قارالادى.

مەموراندۋمعا قول قويۋعا قازاقستان رەسپۋبليكاسىنىڭ سانكت-پەتەربۋرگ قالاسىنداعى باس كونسۋلى بولات يمانباەۆ, قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ جانە سانكت-پەتەربۋرگ مەملەكەتتىك ۋنيۆەرسيتەتىنىڭ رەكتورى نيكولاي كروپاچەۆ قاتىستى.

سونىمەن بىرگە, قوردىڭ اتقارۋشى ديرەكتورىنىڭ ورىنباسارى, زاڭ عىلىمدارىنىڭ دوكتورى, قر كونستيتۋتسيالىق كەڭەسىنىڭ بۇرىنعى توراعاسى (2004-2017 جج.)  يگور روگوۆ قازاقستاننىڭ قۇقىقتىق دامۋ سالاسىنداعى جەتىستىكتەرىنە جانە قازاقستان رەسپۋبليكاسىنىڭ پرەزيدەنتى ن. ءا. نازارباەۆتىڭ سىرتقى ساياسي باستامالارىنا ارنالعان لەكتسيا وتكىزدى. لەكتسياعا سانكت – پەتەربۋرگ مەملەكەتتىك ۋنيۆەرسيتەتىنىڭ 100 –دەن اسا ستۋدەنتتەرى جانە سانكت-پەتەربۋرگ قالاسىنداعى جوعارى وقۋ ورىندارىندا وقيتىن قازاقستاندىق ستۋدەنتتەر قاتىستى.