رەسەي فەدەراتسياسىندا ءوتىپ جاتقان 18 ناۋرىز 2018 جىلعى پرەزيدەنت سايلاۋىنا قازاقستان رەسپۋبليكاسىنان 203 بايقاۋشى باقىلاۋ جۇرگىزۋدە, دەپ حابارلايدى ورتالىق سايلاۋ كوميسسياسى.
تاۋەلسىز مەملەكەتتەر دوستاستىعى ميسسياسى قۇرامىندا 136 قازاقستاندىق, شانحاي ىنتىماقتاستىق ۇيىمى ميسسياسىنان - ءۇش, سونداي-اق, دياقب/ەقىۇ قۇرامىندا - 39 باقىلاۋشى بار.
قازاقستان رەسپۋبليكاسى ورتالىق سايلاۋ كوميسسياسىنان باقىلاۋشىلار دەلەگاتسياسىن توراعا بەرىك يماشەۆ باسقارادى. سونىمەن قاتار, سايلاۋدى باقىلاۋعا قر وسك توراعاسىنىڭ ورىنباسارى كونستانتين پەتروۆ, قر وسك حاتشىسى ءسابيلا مۇستافينا, قر وسك مۇشەسى زاۋرەش بايمولدينا جانە ورتسايكومنىڭ اپپارات قىزمەتكەرلەرى قاتىسۋدا.
پارلامەنتارالىق ءوزارا ارەكەت شەڭبەرىندە قازاقستان رەسپۋبليكاسى پارلامەنتى اتىنان 25 باقىلاۋشى, ونىڭ ىشىندە تمد پارلامەنتارالىق اسسامبلەياسىنان (6), ەقىۇ پارلامەنت اسسامبلەياسىنان (10), ۇقشۇ (2) جانە مەملەكەتتىك دۋما مەن فەدەراتسيا كەڭەسىنىڭ شاقىرۋى بويىنشا (7) باقىلاۋشى جۇمىس جۇرگىزۋدە.
رەسەي تاراپى بۇل سايلاۋدا قازاقستاننىڭ باقىلاۋشىلار سانى بويىنشا الدا كەلە جاتقانىن اتاپ ءوتتى.