سەناتورلار ەسەپ كوميتەتى جۇرگىزگەن الدىن الا باعالاۋ ماسەلەلەرىن تالقىلادى

سەناتتىڭ قارجى جانە بيۋدجەت كوميتەتىنىڭ توراعاسى ولگا پەرەپەچينا شارانى اشا كەلىپ, 2018-2020 جىلدارعا ارنالعان رەسپۋبليكالىق بيۋدجەتپەن بىرگە «2018-2020 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن باعالاۋ جونىندەگى قورىتىندى» پارلامەنت قاراۋىنا وتكەن جىلعى كۇزدە العاش رەت تۇسكەنىن اتاپ ءوتتى.

و.پەرەپەچينا ەلىمىزدىڭ 2015 جىلعى 12 قاراشاداعى «مەملەكەتتىك اۋديت جانە قارجىلىق باقىلاۋ تۋرالى» زاڭىنا سايكەس, ەسەپ كوميتەتى جوعارى باقىلاۋ ورگانى بولعاندىقتان رەسپۋبليكالىق بيۋدجەت جوباسىنداعى شىعىستاردىڭ نەگىزگى باعىتتارى بويىنشا الدىن الا باعالاۋ جۇمىستارىن جۇزەگە اسىراتىنىن ەسكە سالدى.

سەناتور سونداي-اق ەسەپ كوميتەتىنىڭ الدىن الا باعالاۋ جۇمىستارىنىڭ ارتىقشىلىقتارى بيۋدجەت قارجىسىنىڭ ءتيىمسىز جۇمسالۋىن ەسكەرتۋ نەمەسە قارجى شىعىندارىن ازايتۋ مۇمكىندىگى بولاتىنىن اتاپ ءوتتى.

رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى كونستانتين پلوتنيكوۆ بيۋدجەت جوباسىنىڭ الدىن الا باعالاۋ جۇرگىزۋ ۇدەرىستەرىن جەتىلدىرۋ تۋرالى ايتتى.

ك. پلوتنيكوۆ ۇكىمەتتىڭ ماقۇلداۋىنا دەيىن بيۋدجەت جوباسىنا الدىن الا باعالاۋ ناتيجەلەرىنىڭ بولۋى بيۋدجەتتى جوسپارلاۋ ساتىسىندا مەملەكەت قارجىسىن باسقارۋ جونىندەگى قابىلداناتىن شەشىمدەردىڭ تيىمدىلىگىن ارتتىرادى جانە جوبانى ەسەپ كوميتەتىنىڭ ۇسىنىستارىن ەسكەرە وتىرىپ ۇيلەستىرۋگە مۇمكىندىك بەرەتىنىن اتاپ ءوتتى.

دوڭگەلەك ۇستەل وتىرىسىندا قارجى ءمينيسترىنىڭ ورىنباسارى تاتيانا ساۆەلەۆا بيۋدجەتتى الدىن الا باعالاۋ بيۋدجەت شىعىستارىن انىقتايتىن ماڭىزدى ءارى قاجەتتى قۇرال عانا ەمەس, ودان دا كەڭ اۋقىمدا – ستراتەگيالىق جانە بيۋدجەتتى جوسپارلاۋدى ۇيلەستىرەتىن ءارى جەتىلدىرەتىن قۇرال بولىپ تابىلاتىنىن اتاپ ءوتتى. سونىمەن بىرگە ءمينيستردىڭ ورىنباسارى باعالاۋ بىرقاتار وزەكتى ماسەلەلەردى, سونداي-اق ولاردىڭ تۋىنداۋ سەبەپتەرىن دە انىقتاعانىن اتاپ ءوتتى.

ۇلتتىق ەكونوميكا ءمينيسترىنىڭ ورىنباسارى رۋسلان دالەنوۆ ەسەپ كوميتەتىنىڭ رەسپۋبليكالىق بيۋدجەتتىڭ جوباسى بويىنشا الدىن الا باعالاۋ جۇرگىزۋى جونىندەگى ۇلتتىق ەكونوميكا مينيسترلىگىنىڭ ۇستانىمدارى تۋرالى حاباردار ەتتى. ول باعالاۋ اياسىندا بيۋدجەتتىڭ شىعىس بولىگىن كوبىرەك قاراۋدى جانە ونى ەلىمىزدىڭ الەۋمەتتىك-ەكونوميكالىق دامۋ باسىمدىقتارىنا سايكەس باعالاۋ جونىندەگى ۇسىنىستارىن ايتتى.

اۋىل شارۋاشىلىعى مينيسترلىگىنىڭ جاۋاپتى حاتشىسى ەرمەك كوشەرباەۆ بيۋدجەت جوباسىن الدىن الا باعالاۋ ناتيجەلەرى مەن ونى جۇرگىزۋ ادىستەمەسىن ودان ءارى جەتىلدىرۋ جونىندەگى مينيسترلىكتىڭ ۇسىنىستارى تۋرالى ايتتى.

دوڭگەلەك ۇستەل وتىرىسىنىڭ قورىتىندىسى بويىنشا ۇسىنىستار قابىلداندى جانە ولاردى جۇزەگە اسىرۋ ءۇشىن مەملەكەتتىك ورگاندارعا جىبەرىلەتىن بولدى.