وبلىس اكىمى دانيال احمەتوۆ كەشە اياگوز اۋدانىنا ارنايى بارىپ, تاسقىننان زارداپ شەككەن ۇيلەردى ارالاپ, تۇرعىندارمەن كەزدەستى. ايدىڭ-كۇننىڭ امانىندا باسپاناسىنان ايىرىلۋ كىمگە وڭاي ءتيسىن؟
بار-جوعى 15 مينۋتتىڭ اينالاسىندا ەكى مەترگە جۋىق تاسقىن سۋدىڭ استىندا قالىپ, كۇل-تالقانى شىققان ۇيلەردىڭ تۇرعىندارى اۋەلدە اشۋعا ەرىك بەرىپ, ءتىپتى كەيبىرى كوزدەرىنە جاس الىپ, جەرگىلىكتى اكىمدىكتى سىن ساداعىنا العانىمەن ايماق باسشىسى ءمان-جايدى تۇسىندىرگەننەن كەيىن بارىپ كوڭىلدەرى ورنىنا تۇسكەندەي بولدى. وبلىس اكىمىمەن بىرگە سۋ العان ۇيلەردى ارالاعانىمىزدا «زا ليني» دەپ اتالاتىن شاعىن اۋداندا تۇيتكىلدى ماسەلەلەردىڭ از ەمەس ەكەنىن اڭعاردىق. تۇرعىنداردىڭ ءبىرى «جەرگىلىكتى اكىمدىك قارايلاسپاعان سوڭ كوپىردى ءوز كۇشىمىزبەن سالىپ الدىق» دەسە, ەندى ءبىرى بۇل ىقشام اۋداندا سۋ, جارىق ماسەلەسىنىڭ شەشىمىن تاپپاي وتىرعانىن العا تارتتى.
د.احمەتوۆ ءبىر ايلىق جالاقىسىن اۋداردىاياگوزدە اۋەلدە 20, سوسىن 40, كەيىن 100 ءۇيدى سۋ باسقانى تۋرالى حابارلانعان ەدى. بۇل دەرەك كۇن سايىن وزگەرىپ, 14 ناۋرىزداعى مالىمەت بويىنشا 189 ۇيگە سۋ كىرگەنى بەلگىلى بولدى. ازىرگە وزگەرمەگەنى - مۇلدە جارامسىز بولىپ قالعان 8 ءۇي مەن اپاتتى دەپ تانىلعان 10 ءۇي. جەرمەن-جەكسەن بولعان نەمەسە قابىرعالارى جارىلىپ قۇلاۋدىڭ از-اق الدىندا تۇرعان ۇيلەردى ءوز كوزىمەن كورگەن د.احمەتوۆ اپاتتى دەپ تانىلعان باسپانالار ءبىراز كۇندە 8 ءۇيدىڭ كەبىن كيۋى مۇمكىن ەكەندىگىن جاسىرمادى. ء«سال سابىر ەتىڭىزدەر. بىردە-ءبىر تۇرعىن نازاردان تىس قالمايدى. ارنايى قۇرىلعان كوميسسيا 10 كۇن ىشىندە ءتيىستى شەشىم شىعارادى. ۇيلەرى جارامسىز بولىپ قالعان تۇرعىندارعا اياگوز قالاسىندا سالىنىپ جاتقان 60 پاتەرلى ۇيدەن باسپانا بەرىلەدى. نەمەسە وسى قالادان ءۇي ساتىپ الىپ بەرۋ ماسەلەسىن قاراستىرامىز. ۇيلەرىنە سۋ كىرگەن, بىراق تۇرۋعا جارايتىن باسپانا يەلەرىنە دە كومەك كورسەتىلەدى. ەرتەڭ وبلىستىق «پارىز» قورىنان اياگوزدەگى قالىپتاسقان جاعدايدى رەتتەۋگە 50 ميلليون تەڭگە قارجى اۋدارامىز», - دەگەن-ءدى وبلىس اكىمى 13 ناۋرىز كۇنى تۇرعىندارمەن كەزدەسۋىندە. بۇگىن وڭىردەگى تاسقىن جاعدايىنا وراي جۋرناليستەرگە ارنايى بريفينگ وتكىزگەن ايماق باسشىسى اتالمىش قاراجات ساعات 10-عا دەيىن «اياگوز بولاشاق» قورىنا اۋدارىلعانىن, بۇل اقشا باسپاناسىز قالعان 8 تۇرعىنعا تەز ارادا ءۇي ساتىپ الىپ بەرۋگە جانە تاسقىننان زارداپ شەككەن وتباسىلاردىڭ قاجەتتىلىگىنە جۇمسالاتىنىن جەتكىزدى. سونىمەن قاتار تابيعاتتىڭ توسىن مىنەزىنەن قيىن جاعدايدى باستان كەشىپ وتىرعان تۇرعىندارعا كومەك رەتىندە ءوزىنىڭ ايلىق جالاقىسىن اۋدارعانىن دا ايتتى.
قولىمىزعا تيگەن سوڭعى مالىمەتتەرگە جۇگىنسەك, ءدال قازىرگى ۋاقىتتا اياگوزدەگى №6 مەكتەپ جانىنداعى ينتەرناتتا 73 ادام (ونىڭ 42-ءسى بالا) ۋاقىتشا تۇرىپ جاتسا, 70 ادام تۋىستارىن پانالاۋدا. 217 تۇرعىن ءوز ۇيلەرىنە ورالىپتى.
دانيال احمەتوۆ بريفينگتە 10 ناۋرىزدان باستالعان تاسقىن كەزىندە وبلىس بويىنشا 229 ءۇي (اياگوز قالاسى – 189, وسكەمەن قالاسى - 24, ۇلان اۋدانى - 5, گلۋبوكوە اۋدانى - 8, زايسان اۋدانى - 2, كۇرشىم اۋدانى – 1), 193 اۋلا مەن 110 ساياجاي نىسانىن سۋ باسقانىن, اپات كەزىندە 385 ادام قاۋىپسىز جەرگە كوشىرىلگەنىن, قازىر بارلىق ەلدى مەكەندەر سۋدان ارىلعانىن, اپاتتىق قۇتقارۋ جۇمىستارىنا 1070 ادام مەن 308 تەحنيكا تارتىلعانىن تىلگە تيەك ەتتى. «ارينە, مۇنىمەن ءىس ءبىتتى دەپ ارقانى كەڭگە سالۋعا بولماس. ءدال قازىرگى ۋاقىتتا توتەنشە جاعداي قىزمەتىنىڭ ماماندارى 6 تىكۇشاقپەن اۋەدەن باقىلاۋ جۇرگىزىپ, قاۋىپتى دەگەن جەرلەردى انىقتاۋدا. اياگوز بەن ۇلان اۋداندارىنىڭ اكىمدەرى توتەنشە جاعداي كەزىندە شيراقتىق تانىتىپ, تۇرعىندارعا دەر كەزىندە ەسكەرتىپ, قاۋىپتىڭ الدىن الدى دەۋگە بولادى. وسكەمەندەگى جاعدايدى وزدەرىڭىز دە ءبىلىپ وتىرسىزدار. ۇيلەرىن سۋ العان تۇرعىنداردىڭ نارازىلىعى دا ورىندى. 10-15 ادام جىبەرەتىن جەرگە 2 ادام جىبەرىلگەن. بۇدان كەيىن جاعداي ۋشىقپاعاندا قايتسىن؟ دەمەك, جاعدايدى ءوزىمىز دە قيىنداتقانبىز. تاجىريبەسىز باسشىلارعا بارلىعىن ەسكەرتىپ وتىرماعان مەنىڭ دە كىنام بار شىعار», - دەدى دانيال احمەتوۆ.
7 ءۇي سۋ استىندا قالىپ وتىر13 ناۋرىزدا گازەتىمىزدە جارىق كورگەن ماقالادا شىعىس قازاقستاننىڭ التى بىردەي اۋدانى (اياگوز, ءۇرجار, كۇرشىم, ۇلان, گلۋبوكوە, زايسان) اۋدانى مەن وبلىس ورتالىعى - وسكەمەن قالاسىنىڭ تۇرعىندارى ايتىپ كەلمەيتىن اپاتپەن ارپالىسىپ جاتقانىن ءسوز ەتىپ ەدىك. وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى تارباعاتاي مەن شەمونايحا اۋداندارىندا دا قارعىن سۋ جۇرتتى الەككە تۇسىرە باستاعانىن حابارلادى. تارباعاتاي اۋدانىندا بازار وزەنى قاردىڭ كۇرت ەرۋىنەن ارناسىنان اسىپ, كوكتۇبەك اۋىلىنداعى 4 اۋلا مەن شارۋاشىلىق عيماراتتارىنا سۋ جايىلىپتى. قازىرگى ۋاقىتتا اۋداندىق توتەنشە جاعدايلار ءبولىمى مەن جەرگىلىكتى اتقارۋشى ورگانداردىڭ كۇشىمەن سۋدى تۇرعىن ۇيلەردەن الاستاتۋ شارالارى قولعا الىنىپ, قاۋىپتى اۋماققا ينەرتتى زاتتارمەن تولتىرىلعان قاپتار توسەلىپ جاتقان كورىنەدى. وقيعا ورنىندا 35 ادام مەن 5 تەحنيكا جۇمىس ىستەۋدە. ال شەمونايحا اۋدانىنىڭ ۆەرح-ۋبا اۋىلىندا كۇننىڭ جىلىنۋىنان 4 اۋلانى سۋ باسىپ كەتىپتى. قازىر ارىقتاردان سۋدى اعىزۋ جۇمىستارى جۇرگىزىلىپ جاتىر.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ سوڭعى بەرگەن مالىمەتتەرىنە سۇيەنسەك, قازىرگى ۋاقىتتا وبلىستا 7 ءۇي سۋ استىندا قالىپ وتىر. ونىڭ بەسەۋى - وسكەمەندە, ەكەۋى – كۇرشىمدە. اتالعان اۋماقتاردا سۋدى سورۋ جۇمىستارى جۇرگىزىلۋدە. وبلىس ورتالىعىنداعى ۇيلەرىنەن ۋاقىتشا كوشىرىلگەن 22 ادامنىڭ 15-ءى قازىر تۋىستارىن پانالاپ جاتسا, جەتەۋى ء«ۇلبى» الەۋمەتتىك قىزمەت ورتالىعىن مەكەن ەتۋدە.
بۇگىن ۇيلەرى تاسقىننان زارداپ شەككەن ادامداردىڭ ءبىر توبى ۋاقىتشا ورنالاستىرىلعان اياگوزدەگى №6 مەكتەپ جانىنداعى ينتەرناتتىڭ ديرەكتورى ءلاززات مولداشەۆاعا تەلەفون شالىپ, جاعدايدى بىلدىك. «ينتەرناتقا اۋەلگى كۇنى 37, ەكىنشى كۇنى 50 ادام اكەلىندى, قازىرگى ۋاقىتتا 91 (ونىڭ 52-ءى بالا) كىسى تۇرىپ جاتىر. «مۇنداعى تۇرعىندارعا تاڭەرتەڭگى تاماقتى ءوزىمىز, تۇسكى جانە كەشكى تاماقتى اۋداننىڭ كاسىپكەرلەرى بەرىپ جاتىر. اۋداننىڭ تۇرعىندارى قولدان كەلگەن كومەكتەرىن اياپ جاتقان جوق. الىستا جۇرگەن جەرلەستەرىمىز دە كومەك قولىن سوزىپ جاتىر. ماسەلەن, بەلگىلى ءانشى توقتار سەرىكوۆ 100 مىڭ تەڭگەگە ازىق-ت ۇلىك ونىمدەرىن بەرىپ جىبەرىپتى. اۋداندىق ءبىلىم ءبولىمى تاسقىن كەزىندە وقۋلىقتارى مەن كيىم-كەشەكتەرى سۋ استىندا قالعان وقۋشىلاردى مەكتەپ فورماسىمەن جانە وقۋلىقتارمەن قامتاماسىز ەتتى», - دەدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى
سۋرەتتى تۇسىرگەن تىلەۋبەك شاياحمەت