قر پارلامەنتى ءماجىلىسىنىڭ توراعاسى نۇرلان نىعماتۋلين ەلباسى نۇرسۇلتان نازارباەۆتىڭ پارلامەنت پالاتالارىنىڭ بىرلەسكەن وتىرىسىندا جاريا ەتكەن بەس اۋقىمدى الەۋمەتتىك باستامالارىنا قاتىستى پىكىر ءبىلدىردى.
«ەلباسىمىز نۇرسۇلتان ءابىش ۇلى نازارباەۆتىڭ بۇگىنگى باستامالارى - ەلىمىزگە, حالقىمىزعا جاڭا سەرپىن بەرەتىن ەرەكشە الەۋمەتتىك قادامدار»,-دەپ اتاپ كورسەتتى سپيكەر. ول ءبىزدىڭ ەلىمىزدىڭ ءاربىر ازاماتىنا باسپانا, سالىق جانە ءبىلىم جاعىنان جان - جاقتى قولداۋ كورسەتۋگە باعىتتالىپ وتىر. «سوندىقتان, پرەزيدەنتىمىزدىڭ وسى تاريحي باستامالارىن وتە جوعارى دەڭگەيدە, ساپالى زاڭدارمەن قامتاماسىز ەتۋ - ول پارلامەنتتىڭ ەڭ نەگىزگى, ەڭ جاۋاپتى, ەڭ ابىرويلى مىندەتى»,-دەدى ن.نىعماتۋلين.