وڭتۇستىك قازاقستان وبلىسىندا اۋىل شارۋاشىلىعى داقىلدارىنىڭ جوسپارلانعان ەگىس كولەمى وتكەن جىلدان 6,8 مىڭ گەكتارعا ارتىق جوسپارلانىپ, 833,1 مىڭ گەكتار بولىپ وتىر.
وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆتىڭ مالىمدەۋىنشە, ەگىلگەن 161,5 مىڭ گەكتار كۇزدىك استىقتىڭ جاعدايى جاقسى. ۇستەپ قورەكتەندىرۋ جۇمىستارى الداعى ونكۇندىكتە جۇرگىزىلمەك. تىڭايتقىش جەتكىلىكتى, قازىرگى تاڭدا 21,3 مىڭ تونناسى قويمالاردا ساقتاۋلى. بيىل كوكتەمگى دالا جۇمىستارىن جۇرگىزۋگە وبلىسقا 38 مىڭ توننا ديزەل وتىنى بولىنگەن. قولداعى 15006 دانا تراكتوردىڭ – 86 پايىزى, 2966 دانا تراكتور سوقالارىنىڭ – 100 پايىزى, 1861 دانا ءدان سەپكىشتىڭ - 92 پايىزى كوكتەمگى دالا جۇمىستارىنا دايىن. «اگرارلىق نەسيە كورپوراتسياسى» اق تاراپىنان كوكتەمگى دالا جۇمىستارىن جۇرگىزۋدى نەسيەلەندىرۋ ءۇشىن 3,2 ملرد. تەڭگە قارالۋدا.
سونداي-اق وڭىردە «شاتقال» جوباسى اياسىندا كوشەت وتىرعىزۋ جۇمىستارى دا اتقارىلا باستادى. بۇل ورايدا, بيىل ەلدى مەكەندەردە 4 740 گەكتار جەرگە 1 ملن 990,7 مىڭ ءتۇپ كوشەت ەگۋ قارالعان. وسىعان بايلانىستى, ورمان شارۋاشىلىعى مەكەمەلەرىنەن كوكتەمدە 419 مىڭ دانا, كۇزدە 1 ملن 572 مىڭ كوشەت تەگىن بوساتىلاتىن بولادى.
عالىمجان ەلشىباي,
«ەگەمەن قازاقستان»