«ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ قىزمەتكەرلەرى ەلباسى ن.ءا.نازارباەۆتىڭ «بولاشاققا باعدار: رۋحاني جانعىرۋ» باعدارلامالىق ماقالاسى اياسىندا وڭتۇستىك قازاقستان وبلىستىق تاريحي-ولكەتانۋ مۋزەيىندە ءوتىپ جاتقان «ن.نازارباەۆ: ءداۋىر, تۇلعا, قوعام» اتتى كوشپەلى كەشەن كورمەسىن تاماشالادى.
كورمەنىڭ ماقساتى – مەملەكەت باسشىسى ن.ءا. نازارباەۆتىڭ تاۋەلسىز قازاقستان قالىپتاسۋىنداعى شەشۋشى ءرولىن جان-جاقتى كورسەتۋ. كەلۋشىلەر نازارىنا ەلباسى كىتاپحاناسىنىڭ مۇراعات, كىتاپ, مۋزەي قورلارىنان الىنعان ماتەريالدار ۇسىنىلسا, ولاردىڭ قاتارىندا ەلباسىنىڭ جوعارى مەملەكەتتىك ماراپاتتارى مەن شەت تىلدەرىنە اۋدارىلعان ەڭبەكتەرى, وتاندىق اۆتورلاردىڭ قولتاڭباسى بار كىتاپتارى بار.
«ن.نازارباەۆ: ءداۋىر, تۇلعا, قوعام» اتتى كوشپەلى كەشەن كورمە - «ەلباسى قىزمەتىنىڭ حرونيكاسى» ينتەراكتيۆتى بولىمىنەن, تسيفرلىق فوتوالبومدار, دەرەكتىك كينوحرونيكانى كورۋگە ارنالعان ۆيدەوزونا سەكىلدى بىرنەشە بولىكتەن قۇرالعان.
سونىمەن قاتار, قورىق-مۋزەي قىزمەتكەرلەرى وڭتۇستىك قازاقستان وبلىستىق تاريحي-ولكەتانۋ مۋزەيىنىڭ تۇراقتى ەكسپوزيتسياسىمەن دە تانىستى. «ازىرەت سۇلتان» قورىق-مۋزەيىنىڭ ديرەكتورى احمەتجانوۆ نۇربولات قادىر ۇلى ولكەتانۋ مۋزەيىنىڭ پىكىر-لەبىز كىتابىنا قولتاڭباسى مەن ىزگى تىلەكتەرىن قالدىرىپ, بارىنشا جان-جاقتى مالىمەت بەرگەن مۋزەي ۇجىمىنا العىسىن ءبىلدىردى.