جاستاردىڭ بويىنا ادامگەرشىلىك, قايىرىمدىلىق, تۋعان جەردى ءسۇيۋ, ەلىڭنىڭ ىزگى قاسيەتتەرىن ءبىلىپ, باعالاۋ قاسيەتتەرىن ءسىڭىرۋ سىندى ىزگى نيەتتەر دە تۇپكى ماقساتىنىڭ ءبىرى سانالاتىن العىس ايتۋ كۇنىنە وراي, سوزاق اۋدانىندا ء«بارى راحمەت ءۇشىن» اتتى الەۋمەتتىك اكتسيا ءوتتى.
اۋداندىق جاستار رەسۋرستىق ورتالىعى ۇيىمداستىرعان شارا اياسىندا الەۋمەتتىك جاعدايى تومەن 85 وتباسىعا, 1000-عا تارتا كيىم تاراتىلىپ بەرىلدى. وعان اۋداننىڭ كاسىپكەرلەرى, مەكەمەلەر بەلسەندى تۇردە قاتىستى. وسىنشاما وتباسىنا قول ۇشىن سوزىپ, قۋانىش سيلاعان دەمەۋشىلەر دە ەسكەرۋسىز قالعان جوق. ارينە, ەڭ ءبىرىنشى ولار تۇرعىنداردىڭ العىسىن الدى, سونداي-اق اۋدان اكىمى سالىحان پولاتوۆ سوزاق اۋىلىنان ىدىرىس جۇمانازاروۆ, تاۋكەنت كەنتىنەن وشاقباي مىرزابەكوۆ, اقسۇمبە اۋىلىنا ءتۇرلى شارالارعا دەمەۋشىلىك جاساعان ەربول قارناقباەۆ, جۋانتوبە اۋىلىندا جاعدايى تومەن وتباسىلارعا الەۋمەتتىك كومەكتەر كورسەتكەنى ءۇشىن اناس جايلاۋباي سىندى ازاماتتاردى العىس حاتپەن ماراپاتتادى.
عالىمجان ەلشىباي,
«ەگەمەن قازاقستان»