وڭتۇستىك قازاقستان وبلىسى قازىعۇرت اۋدانىنداعى «گۋل مانسۋر» جشس-ءنىڭ 1 گەكتار جىلىجايىندا بۇگىندە «چەرنايا ماگيا» تۇقىمدى راۋشان گ ۇلى كۇتىپ, باپتالۋدا.
Cەرىكتەستىك مەنشىگىندەگى 2,5 گەكتار ەگىستىك جەردىڭ ءبىر گەكتارىندا ءوسىرىلىپ جاتقان راۋشان گ ۇلىنە سۇرانىس جىل وتكەن سايىن ارتىپ كەلەدى. گۇل وسىرۋمەن اينالىساتىن شارۋا قوجالىق 2012 جىلى ەكى جانۇيانىڭ بىرىگۋىمەن قۇرىلعان ەكەن. جوبانىڭ ينۆەستيتسيالىق كۇنى 12 ملن. تەڭگەنى قۇرايدى. شارۋا قوجالىعى بۇگىندە 5 ادامدى جۇمىسپەن قامتىپ وتىر. ماۋسىم كەزىندە مۇنداعى جۇمىسشىلار سانى 20-عا جەتەدى ەكەن. ءاربىر قىزمەتكەرگە 50 مىڭ تەڭگە كولەمىندە ەڭبەكاقى تولەنەدى. شارۋاشىلىق باسشىلىعى بولاشاقتا جىلىجاي اۋقىمىن كەڭەيتۋدى جوسپارلاپ وتىر.
- گۇلدى العاش رەت 2013 جىلى 0,40 گەكتار جىلىجايعا ەگىپ كوردىك. سوسىن گۇلگە دەگەن سۇرانىستى بايقاعان سوڭ, جىلىجاي كولەمىن 1 گەكتارعا دەيىن ۇلعايتتىق. 2017 جىلى 45 مىڭ دانا گۇل دايىندالىپ, اۋىل, اۋدان جانە وبلىس كولەمىندە ساتىلىمعا شىعارىپ, تابىسقا كەنەلدىك. بيىل ءتۇسىم ودان دا جاقسى بولادى دەگەن ۇمىتتەمىز, – دەيدى قوجالىق يەسى.
سول جاقسى تۇسىمنەن شارۋا قوجالىعى 8 - ناۋرىز حالىقارالىق ايەلدەر مەرەكەسى قارساڭىندا 50 مىڭ دانا راۋشان گ ۇلىن ساتىلىمعا شىعارماق.
عالىمجان ەلشىباي,
«ەگەمەن قازاقستان»