قازاقستاننىڭ سىرتقى ىستەر مينيسترلىگى ماسكەۋ وبلىسىنىڭ چەحوۆ اۋدانىنداعى نوۆوسەلكي سەلوسىندا ماشينا ىشىندە مايىتتەرى تابىلعان قازاقستاندىق ءۇش ادامنىڭ قوستاناي وبلىسىنىڭ 1965,1968,1971 جىلى تۋعان تۇرعىندارى ەكەنىن راستادى.
بولعان وقيعا مارقۇمداردىڭ تۋىستارىنا حابارلاندى. بۇرىن بۇقارالىق اقپارات قۇرالدارىندا ماسكەۋ تۇبىندەگى نوۆوسەلكي سەلوسىندا ء ۇش ادام جۇك ماشيناسىنىڭ ىشىندە قايتىس بولعانى تۋرالى اقپارات بەرىلگەن بولاتىن. قازاقستاننىڭ رەسەيدەگى ەلشىلىگى ولگەندەردىڭ دەنەسىن قازاقستانعا جەتكىزۋدى ءۇيىمداستىرۋ ۇشىن كەڭەستىك-قۇقىقتىق كومەك كورسەتىپ جاتىر.
24 اقپان كۇنى نوۆوسەلكي سەلوسىنداعى قويما عيماراتتارى اۋماعىندا جۇك ماشيناسىنىڭ ىشىنەن ءۇش ادامنىڭ ءولى دەنەسى تابىلعان. ولاردىڭ دەنەسىندە ەشقانداي زابىرلەۋشىلىك بەلگىسى بولماعان. الدىن الا بولجام بويىنشا ولار گازدان ۋلانىپ قايتىس بولعان. ماشينانىڭ كابيناسىندا گازبەن جاناتىن قۇرىلعى تابىلعان. ءولىمنىڭ ناقتى سەبەبى ساراپتاۋدان كەيىن انىق بولادى.