بىلتىر وبلىستىق بيۋدجەتتەن قوماقتى قارجى ءبولىنىپ, ايدىندى الاكولدىڭ جاعاسى ادام تانىماستاي كەيىپكە ەنگەنى بەلگىلى. كول جاعاسىن اباتتاندىرۋ جۇمىستارى بيىل دا جالعاسىن تابادى.
ەڭ باستىسى, اعىمداعى جىلى وسكەمەن مەن سەمەي قالالارىنان «جالاڭاشكول» ستانتسياسىنا دەيىن تەمىرجول قاتىناسى جولعا قويىلىپ, وبلىستىق بيۋدجەت ەسەبىنەن اتالعان تەمىرجول بەكەتىنەن قابانباي اۋىلىنا دەيىنگى (الاكول كولى) اۆتوكولىك جولى جوندەلەدى. مۇنداي جاعىمدى جاڭالىقتى ءوڭىر تۇرعىندارى الدىنداعى ەسەپتىك كەزدەسۋدە وبلىس باسشىسى دانيال احمەتوۆتىڭ ءوزى جەتكىزدى. «الاكول – ەلدىڭ ماقتانىشى. ءبىز الاكولدى تۇركيا مەن وزگە دە ەلدەردەگى دەمالىس ورىندارىنىڭ دەڭگەيىنە جەتكىزۋگە كۇش سالىپ جاتىرمىز.
سوڭعى ەكى جىلدا جالپى سوماسى 4,3 ملرد تەڭگەگە وبلىستاعى نەگىزگى تۋريستىك ورىندارعا اپاراتىن اۆتوكولىك جولدارىن جوندەۋدەن وتكىزدىك. سونىمەن قاتار اباي اۋدانىنداعى قوڭىر اۋليە ۇڭگىرىنىڭ جانە تارباعاتاي اۋدانىنداعى ىرعىزباي اۋليە كەسەنەسىنىڭ ماڭىنداعى تۋريستىك ينفراقۇرىلىم جاقسارتىلدى», - دەدى وبلىس اكىمى.
ازامات قاسىم,
«ەگەمەن قازاقستان»
شىعىس قازاقستان وبلىسى