قازاقستاندىق مانەرلەپ سىرعاناۋشى ەليزابەت تۇرسىنباەۆا وڭتۇستىككورەيالىق پحەنچحاندا ءوتىپ جاتقان وليمپيادا-2018 ويىندارىندا جالپى ەسەپتە 12-ءشى بولدى, - دەپ حابارلايدى Vesti.kz.
ەركىن باعدارلامادا تۇرسىنباەۆا 118.30 ۇپاي جينادى, ال قىسقاشا باعدارلامانىڭ ۇپايى 57, 95 ۇپاي ەدى. ەكى باعدارلامانىڭ ناتيجەلەرىن قوسقاندا ول 177, 12 ۇپاي جينادى.
وليمپيادا چەمپيونى - رەسەيلىك 15 جاستاعى الينا زاگيتوۆا (239.57 ۇپاي). كۇمىس مەدال - تاعى ءبىر رەسەيلىك قىز ەۆگەنيا مەدۆەدەۆا - 238,26 ۇپاي. قولا مەدال - كەيتلين وسموند - 231,02.
ەسكە سالايىق, تاعى ءبىر قازاقستاندىق مانەرلەپ سىرعاناۋشى ايزا مامبەكوۆا قىسقا باعدارلامادا 30-ورىندى يەلەنىپ, ەركىن باعدارلاماعا جولدامانى الا المادى. 18 جاستاعى ەكى قازاقستاندىق سپورتشى قىز دا وليمپيادا ويىندارىندا ءبىرىنشى رەت ونەر كورسەتتى. ەسكە سالايىق, 2017 جىلى ساۋىردە تۇرسىنباەۆا الەم چەمپيوناتىندا توعىزىنشى ورىندى يەلەنىپ, قازاقستان تاريحىندا تۇڭعىش رەت وليمپيادا ويىندارىنا ەكى جولداما جەڭىپ العان ەدى.