«سپورتينگ» – «استانا»كەزدەسۋىنىڭ قارساڭىندا ەلوردالىق كوماندا شابۋىلشىسى دجوردجە دەسپوتوۆيچ جۋرناليستەرگە سۇحبات بەرىپ, جاۋاپتى ماتچ تۋرالى ءوز پىكىرىمەن ءبولىستى:
- بۇل ويىن تۋرالى كوپ ەشتەڭە ايتقىم كەلمەيدى. ويىنشىلار بۇل ويىننان ءلاززات الۋ كەرەك دەپ ويلايمىن. ءبىز ەرتەڭگى كەزدەسۋدە جوعارى ناتيجەگە جەتۋگە تىرىسامىز.
- دجوردجە, استاناداعى ويىندا كوماندا ءبىرىنشى تايمدا جاقسى ويناعانمەن, ەكىنشى تايمدا وسالدىق تانىتتى. كوماندا ەرتەڭگى كەزدەسۋگە قانشالىقتى دايىن؟
- ءبىز ءبىرىنشى تايمدا جاقسى ويناعانىمىزدى جاسىرمايمىن. ءبىز ەرتەڭگى كەزدەسۋدە تاعى ءبىر تاريحتى جازۋعا تىرىسامىز. ونى كوماندا قۇرامىنداعى بارلىق ويىنشىلار جاقسى تۇسىنەدى.
- كوماندانىڭ نەگىزگى شابۋىلشىسى جۋنيور كابانانگا ەلوردالىق كلۋب ساپىنان كەتكەننەن كەيىن, باپكەرلەر قۇرامى العاشقى ويىندا سىزگە سەنىم ارتتى. ال ءسىزدىڭ وزىڭىزگە دەگەن سەنىمدىلىگىڭىز قانشالىقتى؟
- كوماندا قۇرامىندا شابۋىلدا وينايتىن ويىنشىلار جەتەرلىك. مەن نەگىزگى قۇرامداعى ورىنىما ءاردايىم تالاساتىن بولامىن. ەرتەڭگى كەزدەسۋدە نەگىزگى قۇرامدا كىم الاڭعا شىعاتىنىن باپكەرلەر قۇرامى شەشەدى.
ەرمۇحامەد ماۋلەن
«ەگەمەن قازاقستان»