داۋرەن اباەۆ لاتىن ءالىپبيىنىڭ جاڭارتىلعان نۇسقاسىنا قاتىستى پىكىر ءبىلدىردى

ءمينيستردىڭ ايتۋىنشا, مەملەكەت باسشىسى نۇرسۇلتان نازارباەۆ حالىقتىڭ پىكىرىن ەسكەرىپ, وسىنداي وزگەرىس ەنگىزدى. بۇدان بولەك, جاڭارتىلعان نۇسقانى ازىرلەۋ بارىسىندا ءتىل ماماندارىنىڭ دا, IT ماماندارىنىڭ دا ۇسىنىستارى قاراستىرىلعانىن, سول سياقتى بۇرىنعى نۇسقالاردان كەيىن ماماندار ناقتى قاي باعىتتا جۇمىس ىستەۋ كەرەكتىگىن انىقتاپ العانىن اتاپ ءوتتى. 

داۋرەن اباەۆ ءسوز اراسىندا جاڭا ءالىپبي زامان تالابىنا ساي ەكەنىن ءارى بۇرىنعىسىنان دا ىڭعايلىراق ەكەنىن ايتۋدى ۇمىتپادى.  

ء«الىپبيدىڭ جاڭا نۇسقاسى ونشا تالقىلانبادى دەگەن مالىمدەمەلەرمەن كەلىسپەيمىن. ويتكەنى وسى جولى ۇلتتىق كوميسسيا اياسىندا بەس-التى توپتىڭ ىشىندە ۇلكەن جۇمىس اتقارىلدى. ماسەلەن, ءوزىم تەxنيكالىق توپتى باسقاردىم. سول كەزدە لاتىن ءالىپبيىنىڭ اپوستروفپەن ەنگىزۋ ماسەلەسىن جان-جاقتى قاراستىردىق, تالقىلادىق, ونىڭ اينالاسىنداعى قيىندىقتاردى بايقاپ, وسى ماسەلەنى قوزعادىق. ەلباسى مامانداردىڭ ايتقانىن تىڭداپ, جاڭا نۇسقانى قابىلدادى. بۇل وتە دۇرىس شەشىم بولدى», - دەدى د.اباەۆ جۋرناليستەرگە بەرگەن سۇxباتىندا.

وسى ورايدا مينيستر لاتىن گرافيكاسىندا اپوستروفتى قولدانۋدىڭ قيىنشىلىقتارىن دا اتاپ ءوتتى.

«مىسالى, اپوستروف ارنايى بەلگى رەتىندە كەلەدى. ونى قولدانعاندا تاڭبالاردىڭ اراسى اشىلىپ كەتەدى. سونىڭ سالدارىنان عالامتوردا ماتىندەردى ىزدەۋ ماسەلەسى قيىندايدى. ەندى, ءوزىنىڭ الگوريتمى بار عوي. ەلباسى xالىقتىڭ وسى پىكىرىن دە ەسكەردى. سوندىقتان لاتىننىڭ جاڭا نۇسقاسى قولدانۋ جاعىنان ءتيىمدى. سوسىن ءبىر ماسەلەنى ەسكەرۋ كەرەك, لاتىن ءالىپبيىنىڭ ءمىنسىز نۇسقاسى جوق. ونى ءبارىمىز جاقسى بىلەمىز. مەنىڭشە, قازىرگى نۇسقا ورىندى ءارى زامان تالابىنا ساي كەلەدى. وندا عالىم لينگۆيستەردىڭ پىكىرى عانا ەمەس, IT مامانداردىڭ كەڭەستەرى تە ەكسەرىلدى», - دەپ اتاپ كورسەتتى د.اباەۆ.

ايتا كەتەيىك, اقپارات جانە كوممۋنيكاتسيالار ءمينيسترى تەحنيكالىق قولداۋ جانە لاتىن گرافيكاسىن جونىندەگى جۇمىس توبىنا جەتەكشىلىك ەتەدى.