كونستيتۋتسيالىق كەڭەس توراعاسى ق.ءمامي قازاقستان رەسپۋبليكاسىنداعى گەرمانيا فەدەراتيۆتىك رەسپۋبليكاسىنىڭ توتەنشە جانە وكىلەتتى ەلشىسى رولف مافاەلمەن كەزدەستى, دەپ حابارلادى كونستيتۋتسيالىق كەڭەستىڭ ءباسپاسوز قىزمەتى.
كەزدەسۋ بارىسىندا ق.ءمامي قازاقستاننىڭ تاۋەلسىزدىگىن گەرمانيا العاشقىلاردىڭ ءبىرى بولىپ مويىنداعانىن جانە وسى جىلدار بويى ءبىزدىڭ ەلىمىزدىڭ ستراتەگيالىق سەرىكتەستىگى ەكەنىن اتاپ ءوتتى. مەملەكەتتەردىڭ باسشى تۇلعالارىنىڭ ءوزارا ساپارلارى سەنىمگەرلىك قاتىناس ورناتۋعا ىقپال ەتتى.
توراعا قوناقتى كونستيتۋتسيالىق رەفورمانىڭ نەگىزگى ەرەجەلەرىمەن, سونداي-اق كونستيتۋتسيالىق كەڭەستىڭ وكىلەتتىكتەرىمەن تانىستىردى. كەزدەسۋ كەزىندە تاراپتار ۇلتتىق زاڭنامالاردى جانە كونستيتۋتسيالىق باقىلاۋ پراكتيكاسىن جاڭعىرتۋ اياسىندا تاجىريبە الماستى. كونستيتۋتسيالىق كەڭەس توراعاسى اتاپ وتكەندەي, وسى جىلدار ىشىندە قازاقستاننىڭ جانە گەرمانيانىڭ زاڭ قۇرىلىمدارى اراسىندا جەمىستى ىنتىماقتاستىق ورناتىلدى. كونستيتۋتسيالىق كەڭەس گەرمانيا فەدەراتيۆتىك رەسپۋبليكاسىنىڭ فەدەرالدىق كونستيتۋتسيالىق سوتىمەن تىعىز بايلانىستى جولعا قويدى.
ماسەلەن, گەرمانيانىڭ قۇقىق قورعاۋ ورگاندارىنا جانە سوتتارىنا بارۋ ساپارلارى گەرمانيانىڭ قىلمىستىق, قىلمىستىق-پروتسەستىك جانە اكىمشىلىك زاڭنامالارى جۇيەسىن تەرەڭ زەردەلەۋگە مۇمكىندىك بەردى. بۇل جوبالار قازاقستاندا وسى جىلدار بويى ءتيىمدى جۇمىس ىستەپ كەلە جاتقان حالىقارالىق قۇقىقتىق ىنتىماقتاستىق گەرمانيا قورىمەن (IRZ) جانە حالىقارالىق ىنتىماقتاستىق بويىنشا گەرمانيا قوعامىمەن (GIZ) تىعىز ءوزارا ءىس-قيمىلدا ىسكە اسىرىلىپ كەلەدى, دەدى ق.ءمامي. كەزدەسۋ سوڭىندا تاراپتار قازاقستاننىڭ جانە گەرمانيانىڭ كونستيتۋتسيالىق ادىلەت ورگاندارى قىزمەتى سالاسىنداعى ەكىجاقتى ءوزارا قاتىناستارىنىڭ حالىقارالىق ىنتىماقتاستىقتى تەرەڭدەتۋ شەڭبەرىندە دامي بەرەتىنىنە سەنىم ءبىلدىردى.