بولگاريانىڭ ساياحات جانە تۋريزم تاقىرىپتارىنا ارنالعان ونلاين Travel HD ارناسى قازاقستان جايلى دەرەكتى فيلمدەر كورسەتپەك. ولاردىڭ اراسىندا قر پرەزيدەنتىنىڭ تەلەراديوكەشەنى تۇسىرگەن فيلمدەر بار.
«تەلەارنانىڭ سايتىندا حابارلانعانداي, «قازاقستانعا قوش كەلدىڭىز» اتتى فيلم 17 اقپان كۇنى بولگاريا ۋاقىتىمەن ساعات 20.30-دا, ءبىزدىڭ ۋاقىتپەن 17.30-دا كورسەتىلەدى. ء«داۋىر قالاۋلىسى» اتتى تاعى ءبىر فيلم تاياۋ ۋاقىتتا كورسەتىلمەك. بۇل تۋرالى تاعى جازاتىن بولامىز. ءبىزدىڭ فيلمدەردى بولگار تىلىنە اۋدارعانى ءۇشىن بولگارياداعى قازاقستاننىڭ ديپلوماتيالىق ميسسياسىنا العىس بىلدىرەمىز», - دەلىنگەن قر پرەزيدەنتى تەلەراديوكەشەنىنىڭ فەيسبۋكتەگى رەسمي پاراقشاسىندا.