ەلوردادا بالالار اراسىندا «تەڭ مۇمكىندىكتەر الەمى» اتتى ءى ينكليۋزيۆتى سپورت فەستيۆالى وتەدى. وعان ەرەكشە بىلىمگە مۇددەلى مەكتەپ وقۋشىلارى قاتىسادى, دەپ حابارلايدى استانا اكىمدىگىنىڭ رەسمي سايتى.
شاراعا دەنى ساۋ جانە سال, Spinabifida اۋرۋلارىنا شالدىققان, داۋن سيندرومى بار, اۋتيكالىق سپەكترى بۇزىلعان, قۇلاقتارىندا مۇكىسى بار, كوزدەرى ناشار كورەتىن بالالار قاتىساتىن بولادى.
شارانىڭ باستى ماقساتى - ەرەكشە بىلىمگە مۇددەلى بالالاردىڭ سپورتپەن شۇعىلدانۋىنا جاعداي جاساۋ.
«بۇل - استانا ءۇشىن بىرەگەي وقيعا. سپورتتىق الاڭدا ءوز قابىلەتتەرىن بوچچە, بەيىمدى ءجۇزۋ, پاراكاراتە, پاراتحەكۆوندو جانە حورەوگرافيا سياقتى ينكليۋزيۆتى سپورت ۇيىرمەلەرىنىڭ شاكىرتتەرى كورسەتەتىن بولادى. بۇدان بولەك, فەستيۆال اياسىندا پاراليمپيادالىق سپورت ءتۇرى «گولبول» فەدەراتسياسى كوزى ناشار كورەتىن بالالار ءۇشىن شەبەرلىك ساباقتارىن ۇيىمداستىرماق. سونداي-اق, شەبەرلىك ساباعىن StreetWorkout-تان قر-نىڭ باس جاتتىقتىرۋشىسى ايتىم جاقىپوۆ تا جۇرگىزەتىن بولادى.