قىتايدىڭ CCTV ارناسىنا سۇxبات بەرگەن نۇرسۇلتان نازارباەۆ ء«بىر بەلدەۋ - ءبىر جول» باستاماسىنىڭ پايداسىن, «نۇرلى جول» مەملەكەتتىك باعدارلاماسىن اتالعان باستامامەن ۇندەستىرۋدىڭ ناتيجەسى جايىندا ايتىپ بەردى.
ءوز سوزىندە مەملەكەت باسشىسى قىتاي توراعاسى سي ءتسزينپيننىڭ 2012 جىلى قازاقستانعا جاساعان ساپارىن ەسكە الدى. ءدال سول كەزدە س.تسزينپين نازارباەۆ ۋنيۆەرسيتەتىندە ءدارىس وقىپ, ء«بىر بەلدەۋ - ءبىر جول» باستاماسىن جاريالاعان بولاتىن.
«سودان بەرى بەس جىل ءوتتى. نەگىزى, اتالعان باستاما دەر كەزىندە كوتەرىلدى. سەبەبى داعدارىستىڭ سالدارى ءالى دە سەزىلىپ تۇردى. ءبىز بولساق, «نۇرلى جول» باعدارلاماسىن قابىلداپ, قىتايدىڭ باستاماسىمەن ۇندەستىرۋگە تىرىستىق. سەبەبى ەۋروپاعا باراتىن جول قازاقستان ارقىلى وتەدى. سودان الاشاڭقايدان تەمىر جول تارتىلدى. «قورعاس» قۇرعاق پورتى سالىندى. قازاقستاننىڭ وڭتۇستىگى ارقىلى وتەتىن تاعى ءبىر تەمىرجول بار. «باتىس قازاقستان - باتىس قىتاي» اۆتوماگيسترالى سالىندى. ونىڭ جالپى ۇزىندىعى - 2 700 شاقىرىم. بۇنىڭ بارلىعى ورتاق جۇمىستى, بىرلەسكەن باستامانى ىسكە اسىرۋعا ءوز سەپتىگىن تيگىزدى», - دەدى ن.نازارباەۆ.
بۇدان بولەك, قىتايدىڭ ليانيۋنگان پورتىندا قازاقستاننىڭ تەرمينالى اشىلدى. سول ارقىلى كونتەينەرلىك جۇك تاسىمالدى بارىنشا جەدەلدەتۋگە مۇمكىندىك بار.
«ەندى, وڭتۇستىك-شىعىس ازيا ەلدەرى ءوز جۇكتەرىن ەۋروپاعا 12-15 كۇننىڭ ىشىندە جەتكىزىپ وتىرادى. تەڭىز ارقىلى ونداي تاسىمال ەكى-ءۇش ەسەگە ۇزاق بولادى. ليانيۋنگان پورتى ارقىلى وتەتىن كونتەينەرلەردىڭ سانى بىرتىندەپ كوبەيىپ كەلەدى. ال جولدىڭ بويىندا كاسىپورىندار اشىلىپ جاتىر. وسى جولمەن كاسپي تەڭىزىنە شىعىپ, ودان ارى قاراي يران ارقىلى پارسى شىعاناعىنا شىعا الامىز. وسىلايشا, قىتايلىق تاۋارلاردى قازاقستان ارقىلى سول جاققا ەمىن-ەركىن تاسىمالداۋعا بولادى. ازەربايجان ارقىلى گرۋزيا مەن تۇركياعا شىعۋعا مۇمكىندىك بار. ءبىز ارنايى قۇرىق پورتىن اشتىق. بۇدان بولەك, ءبىز قازاقستاندا ونداعان جاڭا كاسىپورىنداردى اشۋعا ۋاعدالاستىق. مىنە, وسىنداي ۇلكەن جۇمىستار اتقارىلدى. سوندىقتان ء«بىر بەلدەۋ - ءبىر جول» باستاماسى دەر كەزىندە كوتەرىلدى دەپ ايتۋعا تولىق نەگىز بار», - دەدى ن.نازارباەۆ.