اۋليەكول اۋدانىنا قاراستى موسكولەۆ اۋىلىندا مەشىتتە جۇما نامازىن وقىعان جاماعات بىردەن تاراپ كەتپەيدى. تىلەك بىلدىرۋشىلەر مەشىتتە قالىپ, لاتىن حارپىمەن جازىلاتىن جاڭا ءالىپبيدى ۇيرەنەدى. ساباقتى اۋىل اقساقالى, ءبىلىم سالاسىنىڭ ارداگەرى كوكەناكي ءابىلدين وتكىزەدى.
«اۋەلدە 12 ادام لاتىن ءالىپبيىن ۇيرەنەيىك دەپ تىلەك بىلدىرگەن ەدى. ونىڭ قاتارى بىرتىندەپ كوبەيە بەردى. قازىر جۇما نامازىنا كەلگەن اۋىلداستاردىڭ قاتارىن مەكتەپ وقۋشىلارى مەن مۇعالىمدەرى دە تولىقتىرىپ جاتىر» دەيدى كوكەناكي اقساقال.
لاتىن حارپىندەگى ءالىپبيدى ۇيرەنۋگە سەبەپ بولعان دا كوكەناكي اقساقالدىڭ ءوزى ەكەن. ول اۋداندىق گازەتكە لاتىن حارپىمەن ماقالا جازادى. ونى وقىعان اۋىلداستار كىبىرتىكتەپ, بارلىعىن جەتە تۇسىنە الماپتى. سودان جۇما نامازىنا جينالعاندا ماقالادا نە جازىلعانىن سۇرايدى. سول اڭگىمەنىڭ اياعى «لاتىن حارپىندەگى ءالىپبيدى ۇيرەتىڭىز» دەگەن ۇسىنىسپەن اياقتالادى.
«ماعان لاتىن ءحارپىن ۇيرەنۋدىڭ, وسى الىپبيمەن جازۋدىڭ ەشقانداي قيىندىعى بولعان جوق. مەن ەرتەدە نەمىس ءتىلىن وقىعانمىن, بارلىعى ۇقساس, نەگىزى لاتىن ءحارپى عوي. ال اعىلشىن ءتىلىن وقىپ جۇرگەن بالالار ءتىپتى لەزدە ۇيرەنىپ الدى» دەيدى كوكەناكي اقساقال.
كوكەناكي ءابىلدين ءومىر بويى مەكتەپتە قىزمەت ىستەدى. مەكتەپتەردى باسقاردى. جەتپىس بەستەگى اقساقال اۋىلداستارىنا لاتىن حارپىندەگى ءالىپبيدى بار ىقىلاسپەن ۇيرەتىپ ءجۇر.
ءنازيرا جارىمبەت,
«ەگەمەن قازاقستان»
قوستاناي وبلىسى,
اۋليەكول اۋدانى