مەملەكەتتىك تاپسىرىس اياسىندا بىلتىر 40 سەريال ءتۇسىرىلدى. ولاردىڭ ون ەكىسىن كوممەرتسيالىق ارنالار جۇزەگە اسىردى. بۇل تۋرالى اقپارات جانە كوممۋنيكاتسيالار مينيسترلىگىنىڭ كەڭەيتىلگەن القا ماجىلىسىندە مينيستر داۋرەن اباەۆ حابارلادى.
"سالىستىرۋ ءۇشىن ايتايىن, 2016 جىلى سەريالداردىڭ تولىق حرونومەتراجى 2 جارىم مىڭ ساعاتقا ارتىق بولدى. ءبىزدىڭ سەريالداردى كورسەتۋگە رەسەي, قىتاي, قىرعىزستان مەن وزگە مەملەكەتتەر قىزىعۋشىلىق تانىتتى", دەگەن مينيستر تەلەونىمدەردى تۇتىنۋشىلاردىڭ دەنى شەت ەلدەردە تۇراتىن وتانداستارىمىز ەكەنىن, شەتتەگى قانداستارىمىزدىڭ اۋديتورياسىن ەستە شىعارماۋ قاجەتتىگىن اتاپ ءوتتى.
ودان بولەك مينيستر تەلەباعدارلامالار, رەاليتي-شوۋ, مۋلتفيلم, كوركەم جانە دەرەكتى فيلمدەردى تاماشالاپ, ولاردى دەمەۋ ماقساتىندا ءتيىمدى كەلىسىمدەر ورىندالعانى تۋراسىندا تىلگە تيەك ەتتى. وسى رەتتە مينيستر "Astana media week" حالىقارالىق مەديا-اپتاسىنىڭ جوعارى دەڭگەيدە وتكەنىن, وعان 25 ارنا مەن جۇزگە جۋىق پروداكشن كومپانيالار قاتىسقانىن ايتتى.
ايا ءومىرتاي,
"ەگەمەن قازاقستان"