پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ پەن ۇلتتىق بانكتىڭ باسقارما توراعاسى دانيار اقىشەۆ ەكونوميكالىق ساياساتتىڭ 2018 جىلعا ارنالعان نەگىزگى باعىتتارى تۋرالى باياندادى. ناتيجەسىندە ۇكىمەتتىڭ سايكەس قاۋلى جوباسى قابىلداندى. بۇل تۋرالى primeminister.kz حابارلادى.
2017 جىلى قازاقستان ەكونوميكاسى 4,0%-دى قۇراپ, سەرپىندى وسۋگە شىقتى. نەگىزگى كاپيتالعا تۇسەتىن ينۆەستيتسيالاردىڭ ءوسۋ قارقىنى 2016 جىلمەن سالىستىرعاندا 5,5%-دى قۇراپ, 2,7 ەسە جەدەلدەدى.
تيمۋر سۇلەيمەنوۆتىڭ ايتۋىنشا, قر ۇكىمەتى مەن ۇلتتىق بانكتىڭ مالىمدەمە جوباسى ەلىمىزدىڭ ماكروەكونوميكالىق جانە اقشا-كرەديت ساياساتىنىڭ 2018 جىلعا ارنالعان باسىمدىقتارى تۋرالى جالپاق جۇرتتى اقپاراتتاندىرۋ ماقساتىندا ازىرلەنگەن.
ەلباسىنىڭ قازاقستان حالقىنا ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا بەلگىلەنگەن جاڭا مىندەتتەردى ەسكەرە وتىرىپ, ەكونوميكالىق ساياساتتىڭ 2018 جىلعا ارنالعان باستى باعىتتارى مىنالار بولىپ تابىلادى:
ماكروەكونوميكالىق تۇراقتىلىقتى ساقتاۋ;
قولايلى بيزنەس احۋالدى قامتاماسىز ەتۋ;
تسيفرلىق قۇرامداۋىشتى قوسا العاندا, ەكونوميكا سالالارىن دامىتۋ;
كولىك-لوگيستيكالىق ينفراقۇرىلىمدى دامىتۋ.
ۇكىمەت پەن ۇلتتىق بانك جۇرگىزەتىن ەكونوميكالىق ساياسات اعىمداعى جىلى جىلدىڭ سوڭىندا ينفلياتسيا دەڭگەيىن 5,0-7,0% دالىزىندە قامتاماسىز ەتۋگە مۇمكىندىك بەرەدى. وسى ماقساتتى قامتاماسىز ەتۋ ينفلياتسيانى 2020 جىلدىڭ سوڭىنا قاراي 4%-عا دەيىن بىرتىندەپ تومەندەتۋگە ماڭىزدى قادام بولماق.
«ۇكىمەتتىڭ باستى نازارى ازىق-ت ۇلىك جانە ازىق-ت ۇلىك ەمەس تاۋارلار باعالارىنىڭ, مونوپوليستەر قىزمەتتەرى تاريفتەرىنىڭ نەگىزسىز وسۋىنە جول بەرمەۋگە توعىستىرىلادى, سونداي-اق جاساندى تاپشىلىق, باعاعا ۋاعدالاسۋ جانە جوسىقسىز باسەكە قۇرۋ مۇمكىندىگى جويىلادى», - دەدى تيمۋر سۇلەيمەنوۆ.
بيۋدجەت ساياساتى 2018 جىلى ەكونوميكانىڭ وسۋىنە, مەملەكەتتىك-جەكەشەلىك ارىپتەستىكتى دامىتۋعا جانە مەملەكەتتىك قارجى تۇراقتىلىعىن ساقتاۋعا جاردەمدەسۋگە باعىتتالادى. بۇل رەتتە مەملەكەتتىڭ بارلىق الەۋمەتتىك مىندەتتەمەلەرى تولىق كولەمدە ورىندالاتىن بولادى.
تسيفرلىق قۇرامداۋىشتى قوسا العاندا, ەكونوميكا سالالارىن دامىتۋ ماقساتىندا يندۋستريالاندىرۋ كارتاسى جوباسىنىڭ جوبالىق قۋاتىنا شىعۋدى قامتاماسىز ەتۋ, سونداي-اق جوعارعى تەحنولوگيالى وندىرىستەر ۇلەسىن ۇلعايتۋ ارقىلى يندۋستريالاندىرۋ ساياساتى جالعاساتىن بولادى. 3D-پرينتينگ, Big data جانە بۇلتتى تەحنولوگيالار سياقتى «يندۋستريا 4.0.» ەلەمەنتتەرىن ەنگىزۋدى ىنتالاندىرۋ بويىنشا جۇمىس جۇرگىزىلەتىن بولادى.
2018 جىلى يننوۆاتسيالارعا, تەحنولوگيالاردىڭ ترانسفەرتىنە جانە وڭدەۋ ونەركاسىبىن تسيفرلاندىرۋعا جاردەم بەرۋگە نازار اۋدارا وتىرىپ, «تسيفرلىق ءداۋىر» ونەركاسىبىنىڭ قالىپتاسۋىنا باعىتتالعان يندۋستريالاندىرۋدىڭ ءۇشىنشى بەسجىلدىعىن ازىرلەۋ باستالادى.
اگروونەركاسىپتىك كەشەندە اۋىل شارۋاشىلىعى كووپەراتسياسىن ودان ءارى دامىتۋ ەسەبىنەن, ەگىس الاڭدارى قۇرىلىمىنىڭ ءارتاراپتاندىرىلۋىن جانە قايتا وڭدەلگەن اۋىل شارۋاشىلىعى ونىمدەرى ەكسپورتىن ارتتىرۋ بويىنشا جۇمىستار جالعاسادى.
كولىك-لوگيستيكالىق ينفراقۇرىلىمنىڭ ودان ءارى دامۋىنا «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن ىسكە اسىرۋدى جالعاستىرۋ ىقپال ەتەتىن بولادى.
جالپى 2018 جىلى ەكونوميكالىق ساياسات تۇراقتى ەكونوميكالىق ءوسۋدى, ماكروەكونوميكالىق تۇراقتىلىقتى قامتاماسىز ەتۋ, بانك سەكتورىنىڭ تۇراقتىلىعى, ينۆەستيتسيالىق جانە بيزنەس احۋالدى جاقسارتۋ, سونداي-اق ەكونوميكا سالالارىن دامىتۋ ارقىلى ىنتالاندىرۋعا باعىتتالادى.
قر ۇلتتىق بانكىنىڭ باسقارما توراعاسى دانيار اقىشەۆ ورتاق مالىمدەمەنى قابىلداۋ جانە ۇلتتىق بانك پەن ۇكىمەتتىڭ كەلىسىلگەن شارالارىن ىسكە اسىرۋ ماكروەكونوميكالىق ساياساتتىڭ ۇزاقمەرزىمدى ماقساتتارىنا جەتۋدى قامتاماسىز ەتەتىنىن اتاپ ءوتتى.
ۇلتتىق بانك ينفلياتسيالىق تارگەتتەۋ جانە تەڭگەنىڭ قۇبىلمالى ايىرباس باعامى ساياساتى رەجيمىندە اقشا-كرەديت ساياساتىن ىسكە اسىرۋدى جالعاستىرادى. بۇدان وزگە, ليبەرالدىق ۆاليۋتا رەجيمىن ساقتاۋ كەزىندە ۆاليۋتالىق باقىلاۋدى كۇشەيتۋ شارالارىن قابىلداۋ بولجانىپ وتىر.