ءدىن ىستەرى جانە ازاماتتىق قوعام مينيسترلىگىنىڭ جۇرگىزگەن ءدىني ساراپتاما جۇمىستارى بارىسىندا 2017 جىلى 4 332 ماتەريالعا ء(دىني ادەبيەتتەر, ءدىني باعىتتاعى باسقا دا ماتەريالدار) زەرتتەۋ جۇمىستارى جۇرگىزىلگەن. ونىڭ ىشىندە 196 نىسانعا تەرىس قورىتىندى بەرىلدى.
ساراپتاما جۇرگىزۋدەگى ماقسات – كونستيتۋتسيا نورمالارى مەن قازاقستان رەسپۋبليكاسىنىڭ زاڭناماسىنا, ازاماتتاردىڭ قۇقىقتارى مەن بوستاندىقتارىنا تەرىس اسەر ەتەتىن زاڭ بۇزۋشىلىقتاردى انىقتاپ, ولارعا ساراپتاما جاساۋ.
ءدىني ساراپتاما وبەكتىلەرىنە ءدىني مازمۇنداعى جانە ءدىني باعىتتاعى نىسانداردى قامتيتىن اقپاراتتىق ماتەريالدار, رۋحاني ء(دىني) ءبىلىم بەرۋ باعدارلامالارى, جارعىلىق جانە ءدىني مازمۇنداعى باسقا دا قۇجاتتار جاتادى. بۇل رەتتە ءدىني ادەبيەتتى, ءدىني مازمۇنداعى باسقا دا اقپاراتتىق ماتەريالداردى, زاتتاردى تاراتۋ ءدىني عيماراتتاردا, رۋحاني ء(دىني) ءبىلىم بەرۋ ۇيىمدارىندا, سونداي-اق استانا مەن رەسپۋبليكالىق ماڭىزى بار قالالاردا, وبلىستاردىڭ جەرگىلىكتى اتقارۋشى ورگاندارى ارنايى بەلگىلەگەن ستاتسيونارلىق ورىنداردا عانا رۇقسات ەتىلەدى. ەلىمىزدە ءدىني ماتەريالدار مەن بۇيىمداردى ساۋدالاۋعا ارنالعان 257 ارنايى ورىن بار.
جەكە پايدالانۋعا ارنالعان زاتتاردى قوسپاعاندا, ەل اۋماعىنا ءدىني مازمۇنداعى اقپاراتتىق ماتەريالداردى اكەلۋدى ءدىني ساراپتامانىڭ وڭ قورىتىندىسىن العاننان كەيىن عانا تىركەلگەن ءدىني بىرلەستىكتەر جۇزەگە اسىرادى. بۇدان بولەك, ءدىني ەكسترەميزمدى ناسيحاتتاۋعا قارسى ءىس-قيمىل ينتەرنەت-رەسۋرستاردى تالداۋ ارقىلى جۇزەگە اسىرىلادى. ماسەلەن, 2017 جىلى تەك اتالعان مينيسترلىك
10 174 ينتەرنەت-رەسۋرستىڭ مازمۇنىنا ساراپتاما جۇرگىزىپ, ونىڭ ىشىندە 3 555 سايتتىڭ زاڭ بۇزۋشىلىق باعىتتاعى قىزمەتىن انىقتادى. زاڭ بۇزۋشىلىقتار انىقتالعان سايتتار بويىنشا تەرىس ساراپتامالىق قورىتىندىلار اقپارات جانە كوممۋنيكاتسيالار مينيسترلىگىنە ءتيىستى پروتسەسسۋالدىق شەشىم قابىلداۋ ءۇشىن جىبەرىلەدى.
«ەگەمەن-اقپارات»