اۋعانستانداعى تەراكتى كەزىندە قازا بولعان قازاقستاندىقتىڭ ءمايىتى تاياۋ كۇندەرى ەلگە جەتكىزىلەدى. بۇل جايىندا قر ءسىم ءباسپاسوز قىزمەتىنىڭ جەتەكشىسى ءانۋار جايناقوۆ مالىم ەتتى.
«قازاقستان ەلشىلىگى مەن سىرتقى ىستەر مينيسترلىگى ءبىزدىڭ ازاماتتارعا كومەك كورسەتۋ تەتىكتەرىن, ونىڭ ىشىندە مەملەكەتتىك بيۋدجەتتەن قارجى ءبولۋ ماسەلەسىن ىسكە قوستى. دەگەنمەن, ول ءۇشىن بەلگىلى ءبىر پروتسەدۋرالار, سايكەسىنشە قۇجاتتاردى جيناۋ قاجەت. بۇل ىسپەن ديپلوماتتارىمىز اينالىسىپ جاتىر. بۇعان قوسا, قازا بولعان ازاماتتىڭ مۇردەسىن قازاقستانعا جەتكىزۋ بويىنشا كومەك كورسەتۋدىڭ باسقا دا جولدارىن قاراستىرۋ ۇستىندەمىز», - دەدى ءانۋار جايناقوۆ.
قر ءسىم وكىلىنىڭ ايتۋىنشا جەرلەۋ جورالعىلارىن كورسەتەتىن اۋعانستاندىق كومپانيالاردىڭ ءبىرى بۇل قىزمەتى 20 مىڭ دوللارعا باعالاپ وتىر.
«بىراق, ديپلوماتتارىمىز جاعدايدى ءتۇسىنىپ, 6-7 مىڭ دوللار سوما ۇسىنعان وزگە كومپانيانى تاپتى. تاياۋ كۇندەرى ماسەلە تۇبەگەيلى شەشىلەدى. ءبىز قازا بولعان ازاماتتىڭ تۋعان-تۋىستارىمەن ۇنەمى بايلانىستامىز», - دەدى ول.
ايتا كەتەيىك, 21 قاڭتار كۇنى كابۋلداعى Intercontinental قوناقۇيىنە سودىرلار شابۋىل جاسادى. سالدارىنان 1978 جىلى تۋعان قازاقستان ازاماتى قازا تاپتى. ول استانا قالاسىنىڭ تۇرعىنى بولعان. اۋعانستانعا تەلەكوممۋنيكاتسيا سالاسىندا جۇمىس اتقاراتىن اۋعان كومپانيالارىنىڭ ءبىرىنىڭ شاقىرۋىمەن ىسساپارمەن بارعان.