يدم: قازاقستاندىق اۋە كومپانيالارىنان شەكتەۋلەر الىپ تاستالدى

جەڭىس قاسىمبەكتىڭ ايتۋىنشا, بۇگىنگى تاڭدا قازاقستاندىق اۋە كومپانيالارىنان ەۋرووداق ەلدەرىنە ۇشۋعا بارلىق شەكتەۋلەر الىپ تاستالدى — بەس وتاندىق اۋە كومپانياسى (Air Astana, SCAT, “كومليۋكس”, “كازەيردجەت” جانە Prime Aviation) ەۋروپاعا ۇشۋعا قۇقىلى.

2017 جىلعى 22-30 قاراشا ارالىعىندا يكاو اۆياتسيا قاۋىپسىزدىگى بويىنشا اۋديت جۇرگىزگەن بولاتىن, ول اۋەجايلاردىڭ قاۋىپسىزدىك جۇيەسىن كەشەندى تەكسەرۋدى كوزدەيدى. الدىن الا باعالاۋ بويىنشا, يكاو ساراپشىلارى قازاقستاننىڭ ەداۋىر ىلگەرىلەۋىن اتاپ ءوتتى جانە يكاو رەيتينگىسىندە كورسەتكىشتەرىمىز جاقسارادى دەپ كۇتىلۋدە. رەسمي ناتيجەلەر 2018 جىلعى 1 اقپانعا قاراي جاريالانادى.  

«مەملەكەت باسشىسىنىڭ تاپسىرماسىمەن «100 ناقتى قادام» ۇلت جوسپارى اياسىندا سالانى مەملەكەتتىك رەتتەۋدىڭ بريتاندىق ۇلگىسىنە كوشۋ كۇتىلۋدە (ەسكەرتۋ — 68 قادام). بۇل بىلىكتى ينسپەكتورلاردىڭ بولۋى بويىنشا يكاو تاپسىرماسىنا سايكەس كەلۋگە جانە 80% ۇشۋلاردىڭ قاۋىپسىزدىك دەڭگەيى بويىنشا العا قويىلعان ماقساتقا جەتۋگە مۇمكىندىك بەرەدى», — دەپ اتاپ ءوتتى جەڭىس قاسىمبەك.

مينيستر پيلوتتىق رەجيمدە 2017 جىلعى ماۋسىمدا «ەكسپو-2017» وتكىزۋ كەزىندە استانا جانە الماتى اۋەجايلارى ارقىلى قازاقستاندىق اۋە كومپانيالارىمەن ترانزيتپەن وتەتىن قحر ازاماتتارى ءۇشىن 72-ساعاتتىق ۆيزاسىز رەجيم ەنگىزىلگەنىن, ول 2018 جىلدىڭ سوڭىنا دەيىن ۇزارتىلعانىن ەسكە سالدى. ترانزيتتىك الەۋەتتى ودان ءارى دامىتۋ ءۇشىن ءۇندىستاننىڭ ترانزيتتىك ازاماتتارى ءۇشىن سايكەس رەجيم ماسەلەسى پىسىقتالۋدا.

بۇگىنگى تاڭدا قازاقستاندا اۋە كولىگى ينفراقۇرىلىمىن جاڭعىرتۋ ءىس جۇزىندە اياقتالدى — تاۋەلسىزدىك العان ساتتەن بەرى 15 ۇشۋ-قونۋ جولاقتارى مەن 11 اۋەجاي تەرمينالى جوندەۋدەن ءوتتى. شاعىن اۆياتسيانى دامىتۋ ءۇشىن قاتتى جابىندى 5 اەرودروم جانە توپىراقتى جابىنى بار 11 اەرودرومدى سالۋ جانە جوندەۋ قاراستىرىلعان. 

«بارلىعى 2017 جىلى قازاقستان اۋەجايلارى 14,2 ملن جولاۋشىعا قىزمەت كورسەتتى, بۇل 2016 جىلعى كورسەتكىشتەن 17% ارتىق (ەسكەرتۋ — 12,2 ملن جولاۋشى). وتكەن جىلى «نۇرلى جول» باعدارلاماسىن ورىنداۋ اياسىندا استانا قالاسىنداعى نۇرسۇلتان نازارباەۆ اۋەجايىنىڭ جاڭا تەرمينالىنىڭ قۇرىلىسى اياقتالدى, ول استانانى ورتالىق ازيا اۋماعىنداعى وڭىرلىك حاب رەتىندە دامىتۋعا مۇمكىندىك بەرەدى», — دەپ تۇيىندەدى جەڭىس قاسىمبەك.

تالقىلاۋ بارىسىندا «ەير استانا» اۋە كومپانياسىنىڭ قىزمەتى تۋرالى مالىمەتتى ونىڭ پرەزيدەنتى پيتەر فوستەر جەتكىزدى.

وسى ماسەلەنى قورىتىندىلاي كەلە, پرەمەر-مينيستر باقىتجان ساعىنتاەۆ ازاماتتىق اۆياتسيانى دامىتۋ ماسەلەسى وتە وزەكتى جانە ماڭىزدى ەكەنىن اتاپ ءوتتى. بۇگىندە وتاندىق ازاماتتىق اۆياتسيانىڭ ينفراقۇرىلىمى حالىقارالىق ستاندارتتارعا سايكەس كەلتىرىلدى. پرەمەر-مينيستر جاعىمدى جاعى رەتىندە 2018 جىلى جولاۋشىلار اعىمىنىڭ 800 مىڭ ادامعا دەيىن ۇلعايۋى جوسپارلانعانىن اتاپ ءوتتى.

وسىعان بايلانىستى باقىتجان ساعىنتاەۆ ينۆەستيتسيالر جانە دامۋ مينيسترلىگىنە وزگە دە مۇددەلى ۆەدومستۆولارمەن بىرگە ميلليارد حالقى بار ءۇندىستان ازاماتتارى ءۇشىن 72-ساعاتتىق ۆيزاسىز رەجيم ەنگىزۋ ماسەلەسىن قاراۋدى تاپسىردى. بۇدان وزگە, سايكەس مەملەكەتتىك ورگاندارعا وتاندىق مونوپولياعا قارسى زاڭناماعا قارسى كەلمەگەن جاعدايدا, اۋەجايلاردىڭ قىزمەت كورسەتۋ بويىنشا تاريفتەرىن ولاردى تومەندەتۋ تۇرعىسىنان رەتتەۋ تاپسىرىلدى.  

تاپسىرمالاردى ورىنداۋدى باقىلاۋ پرەمەر-مينيستر