ەلباسىنىڭ بيىلعى جولداۋىندا ءبىلىم سالاسىنىڭ جان-جاقتى قامتىلعانى ءبىزدى قاتتى قۋانتتى. ادامزات بالاسىنىڭ بۇگىنگە دەيىن قول جەتكىزگەن ۇلى يگىلىكتەرىنىڭ بارلىعى – ءبىلىم, وقۋ مەن توقۋ ارقىلى جاسالعان.
سوندىقتان ءبىلىم بەرۋ سالاسى ەلباسىنىڭ نازارىنان ەشقاشان تىس قالعان ەمەس. مەملەكەت باسشىسى بيىلعى جولداۋىندا زاماناۋي ءبىلىم بەرۋ جۇيەسىنىڭ ماقساتى – باسەكەگە قابىلەتتى, جان-جاقتى, كوپ ءتىل بىلەتىن مامان دايارلاۋ, سونداي-اق ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ كەرەكتىگىن ايتادى.
مەملەكەت باسشىسى بيىلعى جولداۋىندا: «ورتا ءبىلىم بەرۋ سالاسىندا جاڭارتىلعان مازمۇنعا كوشۋ باستالدى, ول 2021 جىلى اياقتالاتىن بولادى. بۇل – مۇلدە جاڭا باعدارلامالار, وقۋلىقتار, ستاندارتتار جانە كادرلار. پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ كەرەك بولادى. ەلىمىزدىڭ ۋنيۆەرسيتەتتەرىندەگى پەداگوگيكالىق كافەدرالار مەن فاكۋلتەتتەردى دامىتۋ قاجەت.
ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسىن كۇشەيتۋ كەرەك. بۇل – جاستاردى جاڭا تەحنولوگيالىق قالىپقا دايىنداۋدىڭ ماڭىزدى شارتى», دەلىنگەن. دەمەك, الداعى ۋاقىتتا جاستاردى باسەكەگە قابىلەتتى, ءوز وتانىن سۇيەتىن ازامات ەتىپ تاربيەلەۋ ءۇشىن ولارعا ءبىلىم بەرەتىن مۇعالىمدەردىڭ دە سوعان سايكەس بىلىكتىلىگىن ارتتىرۋىمىز كەرەك.
ەلباسىنىڭ بيىلعى جولداۋىندا, سونداي-اق ءبىلىم سالاسىندا ەڭبەك ەتەتىن مامانداردىڭ جاعدايىن جاساۋ, مۇعالىمدەردىڭ ەڭبەكاقىسىن كوبەيتۋ, وقۋشىلاردىڭ وقۋ جۇكتەمەسىن تومەندەتۋ, تسيفرلى ءبىلىم بەرۋ رەسۋرستارىن دامىتۋ, ەلىمىزدەگى مەكتەپتەردى ۆيدەوقۇرىلعىلارمەن جابدىقتاۋ, ت.ب. اتقارىلاتىن جۇمىستاردى بەلگىلەپ بەردى. ەندى ءبىز وسى مىندەتتەردى بۇلجىتپاي ورىنداپ, ەلىمىزدىڭ دامۋى جولىندا ەرىنبەي ەڭبەك ەتۋىمىز كەرەك. ەلباسىنىڭ يگى باستامالارىنا قولداۋ ءبىلدىرىپ, جاڭا كۇندەردەن تەك جاقسىلىقتار كۇتەيىك!
كامالحان قۋان, ارداگەر-ۇستاز, قازاقستان ءبىلىم بەرۋ سالاسىنىڭ ۇزدىگى, ى.التىنسارين اتىنداعى توسبەلگى يەگەرى