قازاقستاننىڭ بىرىككەن ۇلتتار ۇيىمىنىڭ قاۋىپسىزدىك كەڭەسىندەگى توراعالىعى تۋرالى شەتەلدىك بۇقارالىق اقپارات قۇرالدارىنىڭ جارىسا جازىپ جاتقانى تۋرالى بۇعان دەيىن حابارلاعان بولاتىنبىز. ەندىگى كەزەكتە قازاقستاننىڭ قاۋىپسىزدىك كەڭەس وتىرىسىندا سولتۇستىك كورەيا ماسەلەسىن كوتەرىپ, بۇل ەلدى بەيبىت جولعا شاقىرعانى دا الەم نازارىن وزىنە اۋدارعانىن ايتقىمىز كەلەدى. وعان دالەل رەتىندە نازارلارىڭىزعا الەمگە تانىمال باق-تا جاريالانعان ماقالالاردىڭ ىقشامدالعان مازمۇنىن ۇسىنامىز.
The New York Times
بىرىككەن ۇلتتار ۇيىمىنىڭ شتاب-پاتەرىندە نۇرسۇلتان نازارباەۆ يادرولىق قارۋدان باس تارتۋ ارقىلى قازاقستاننىڭ حالىقارالىق بەدەلىنىڭ ارتقانىن جەتكىزىپ, سولتۇستىك كورەيا ماسەلەسىنە قاتىستى ماڭىزدى ماسەلەلەر تۋرالى ايتتى.
قازاقستان پرەزيدەنتى نۇرسۇلتان نازارباەۆتىڭ توراعالىعىمەن وتكەن قاۋىپسىزدىك كەڭەسىنىڭ جوعارى دەڭگەيدەگى پىكىرتالاسىندا جاپپاي قىرىپ-جوياتىن قارۋدى تاراتپاۋ تاقىرىبى تالقىلاندى. وندا نۇرسۇلتان نازارباەۆ سەنىم احۋالىن قالىپتاستىرۋدىڭ جانە پحەنياننىڭ كەلىسسوز ۇستەلىنە ورالۋىنىڭ ماڭىزدى شارتى رەتىندە «يادرولىق بەستىكتىڭ» كحدر-ءدىڭ قاۋىپسىزدىگىنە كەپىلدىك بەرۋىن جاقتايتىنىن ايتتى. پرەزيدەنتتىڭ ايتۋىنشا, مۇددەلى تاراپتار قاجەت ەتكەن جاعدايدا, قازاقستان كەلىسسوز الاڭىن ۇسىنۋعا دايىن. سونىمەن قاتار قازاقستان پرەزيدەنتى سولتۇستىك كورەيانىڭ يادرولىق قارۋعا ۇمتىلۋىن اقش, رەسەي مەن قىتاي اراسىنداعى سەنىمدى نىعايتا وتىرىپ شەشۋ كەرەك ەكەنىن ايتتى.
«قازاقستاننىڭ يادرولىق قارۋسىز جولى وزگە ەلدەرگە ۇلگى ءارى تاجىريبە تۇرعىسىنان كومەك بولار ەدى. ءبىز تاۋەلسىز ەل بولىپ, مەملەكەتىمىزدى نىعايتتىق. يادرولىق قارۋدان باس تارتىپ جانە يادرولىق دەرجاۆالاردان شابۋىل جاساماۋ كەپىلدىگىن الىپ, جوعارى بەدەلگە يە بولدىق. وسى رەتتە, سولتۇستىك كورەيا باسشىلىعىن ءبىزدىڭ جولىمىزبەن جۇرۋگە شاقىرامىز», دەدى پرەزيدەنت.
ABC News
بىرىككەن ۇلتتار ۇيىمى قاۋىپسىزدىك كەڭەسىندەگى قازاقستاننىڭ توراعالىق ەتۋىندەگى نەگىزگى شارا «جاپپاي قىرىپ-جوياتىن قارۋدى تاراتپاۋ: شارالار مەن سەنىم» اتتى تاقىرىپپەن وتكەن وتىرىس بولدى. قازاقستان پرەزيدەنتى ن.نازارباەۆتىڭ توراعالىعىمەن وتكەن جيىن جاھاندىق كۇن تارتىبىندەگى ەڭ وزەكتى ماسەلەگە ارنالدى.
كەڭەس وتىرىسىندا نۇرسۇلتان نازارباەۆ سولتۇستىك كورەيانىڭ يادرولىق پروبلەماسىن رەتتەۋدىڭ ماڭىزى زور ەكەنىنە توقتالدى جانە كورەيا تۇبەگىندەگى قازىرگى وقيعالار تەرەڭ قاراما-قايشىلىقتىڭ بار ەكەنىن كورسەتەتىندىگىن ايتتى. «سولتۇستىك كورەيانىڭ يادرولىق پروبلەماسىن رەتتەۋدە جىلدام ءارى كونسترۋكتيۆتى ءتاسىل قولدانۋدى ۇسىنامىن. سەنىم احۋالىن قالىپتاستىرۋدىڭ جانە پحەنياننىڭ كەلىسسوز ۇستەلىنە ورالۋىنىڭ ماڭىزدى شارتى رەتىندە «يادرولىق بەستىكتىڭ» كحدر-ءدىڭ قاۋىپسىزدىگىنە كەپىلدىك بەرۋىن جاقتايمىز. مۇددەلى تاراپتار قاجەت ەتكەن جاعدايدا قازاقستان كەلىسسوز الاڭىن ۇسىنۋعا دايىن», دەدى ن.نازارباەۆ.
Associated Press
بۇۇ باس حاتشىسى انتونيۋ گۋتەرريش بىرىككەن ۇلتتار ۇيىمى قاۋىپسىزدىك كەڭەسىندە قازاقستان پرەزيدەنتى ن.نازارباەۆتىڭ توراعالىعىمەن وتكەن جيىنعا قاتىسىپ, يادرولىق قارۋدىڭ قاۋپى جىلدان-جىلعا ارتىپ كەلە جاتقانىن ايتتى. وتىرىستى قاڭتار ايىنداعى قك توراعاسى قازاقستان تاراپى ۇيىمداستىردى. بۇل مەملەكەت 1991 جىلى تاۋەلسىزدىگىن العان سوڭ الەمدەگى ءتورتىنشى يادرولىق ارسەنالدان باس تارتقان بولاتىن.
نۇرسۇلتان نازارباەۆ كەڭەس وتىرىسىندا سولتۇستىك كورەياعا بەيبىت جولدى تاڭداۋدى ۇسىندى. ء«بىز يادرولىق قارۋسىز-اق تاۋەلسىز مەملەكەتىمىزدى دامىتىپ, حالىقارالىق ارەنادا بەدەلىمىزدى ارتتىرا الدىق», دەي كەلە ن.نازارباەۆ اقش, رەسەي, قىتاي, ۇلىبريتانيا مەن فرانتسيانى كحدر-ءدىڭ قاۋىپسىزدىگىنە كەپىلدىك بەرۋىن جاقتايتىنىن ايتتى. سونىمەن قاتار ول يادرولىق قارۋدى تاراتپاۋعا قاتىستى بىرقاتار جۇيەلى شارالار ۇسىندى.
The Washington Post
بۇۇ قاۋىپسىزدىك كەڭەسىندە قازاقستاننىڭ توراعالىعىمەن وتكەن جوعارى دەڭگەيلى وتىرىستا ن.نازارباەۆ جاپپاي قىرىپ-جويۋ قارۋى بار ەلدەردىڭ كوبەيۋى يادرولىق, حيميالىق, بيولوگيالىق جانە راديولوگيالىق قارۋدىڭ دەسترۋكتيۆتى كۇشتەردىڭ قولىنا ءتۇسۋ قاۋپىن تۋدىراتىنىن ايتتى. سونىمەن قاتار ول يادرولىق قارۋدى تاراتپاۋعا قاتىستى بىرنەشە شارا ۇسىنىپ, سولتۇستىك كورەيانىڭ يادرولىق پروبلەماسىن شەشۋدىڭ ماڭىزى زور ەكەنىن جەتكىزدى.
پرەزيدەنت نۇرسۇلتان نازارباەۆ مۇددەلى تاراپتاردىڭ سولتۇستىك كورەيا ماسەلەسىن نەعۇرلىم جىلدام ءارى كونسترۋكتيۆتى جولمەن شەشۋگە شاقىردى. «سەنىم احۋالىن قالىپتاستىرۋدىڭ جانە پحەنياننىڭ كەلىسسوز ۇستەلىنە ورالۋىنىڭ ماڭىزدى شارتى رەتىندە «يادرولىق بەستىكتىڭ» كحدر-ءدىڭ قاۋىپسىزدىگىنە كەپىلدىك بەرۋىن جاقتايمىز. مۇددەلى تاراپتار قاجەت ەتكەن جاعدايدا, قازاقستان كەلىسسوز الاڭىن ۇسىنۋعا دايىن», دەدى ن.نازارباەۆ.
The Herald Online
قاڭتار ايىندا بۇۇ قاۋىپسىزدىك كەڭەسىنىڭ توراعاسى رەتىندە قازاقستان وتە ماڭىزدى وتىرىس ۇيىمداستىرىپ, جاپپاي قىرىپ-جويۋ قارۋلارىن تاراتپاۋ تۋرالى ايتتى. كەڭەس وداعى ىدىراعان سوڭ قازاقستان ەرىكتى تۇردە كەڭەستىك يادرولىق زىمىرانداردى ءوز تەرريتورياسىنان الىپ تاستاۋعا كەلىسىپ, يادرولىق قارۋدى تاراتپاۋ تۋرالى شارتقا قوسىلدى. يادرولىق قارۋدان باس تارتۋ ارقىلى پرەزيدەنت نازارباەۆ الەمنىڭ وزگە ەلدەرىنە ۇلگى كورسەتتى. ەندى, مىنە, بۇۇ قاۋىپسىزدىك كەڭەسىندە قازاقستان سولتۇستىك كورەيانى بەيبىت جولدى تاڭداۋعا شاقىردى.
«كۇش يادرولىق بومبا مەن راكەتالاردا ەمەس. الەمدى تەك حالىقارالىق قوعامداستىقتىڭ سەنىمى قورعاپ قالا الادى. قازاقستاننىڭ يادرولىق قارۋسىز جولى وزگە ەلدەرگە ۇلگى ءارى تاجىريبە تۇرعىسىنان كومەك بولار ەدى. ءبىز تاۋەلسىز ەل بولىپ, مەملەكەتىمىزدى نىعايتتىق. يادرولىق قارۋدان باس تارتىپ جانە يادرولىق دەرجاۆالاردان شابۋىل جاساماۋ كەپىلدىگىن الدىق. وسى رەتتە سولتۇستىك كورەيا باسشىلىعىن ءبىزدىڭ جولىمىزبەن جۇرۋگە شاقىرامىز», دەدى نۇرسۇلتان نازارباەۆ.
دايىنداعان
گۇلنۇر قۋانىشبەكقىزى, «ەگەمەن قازاقستان»