كەشە ۇكىمەت ۇيىندە پرەمەر-مينيستر باقىتجان ساعىنتاەۆتىڭ توراعالىعىمەن قازاقستان رەسپۋبليكاسىنىڭ ەكونوميكاسىن جاڭعىرتۋ جونىندەگى مەملەكەتتىك كوميسسيا وتىرىسى ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
وتىرىس بارىسىندا مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى حالىققا جولداۋى اياسىندا ەلىمىزدىڭ تۇراقتى ەكونوميكالىق ءوسىمىن جانە ەكونوميكانى جاڭعىرتۋدى قامتاماسىز ەتۋگە باعىتتالعان ماسەلەلەر تالقىلاندى.
اتاپ ايتقاندا, 2016-2020 جىلدارعا ارنالعان جەكەشەلەندىرۋ جوسپارلارى, 2018 جىلى «سامۇرىق-قازىنا» ۇاق توپتارىنىڭ كەيبىر اكتيۆتەرىن باسەكەلى ورتاعا بەرۋ تەتىكتەرى, اۋىل شارۋاشىلىعى, ينۆەستيتسيالار جانە دامۋ, قورعانىس جانە اەروعارىش ونەركاسىبى, ەنەرگەتيكا, قارجى, مادەنيەت جانە سپورت, ءبىلىم جانە عىلىم, دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ سالالارىن جاڭعىرتۋ جۇمىسىنىڭ جۇيەسىن رەتكە كەلتىرۋ بويىنشا مينيسترلىكتەردىڭ تاسىلدەرى قارالدى.