جەتى ميلليارد دوللاردىڭ كەلىسىمدەرى جاسالدى

كەزدەسۋ بارىسىندا «قازاقستان امە­ريكالىق بيزنەس ءۇشىن ۇلكەن الەۋەتكە يە, الەمنىڭ توتەنشە ماڭىزدى ايما­عىن­دا ورنالاسقان», دەپ اتاپ ءوتتى اقش-تىڭ ساۋدا پالاتاسىنىڭ توراعاسى توماس دونوحيۋ.

سونداي-اق جيىن بارىسىندا امە­ريكالىق كاپيتالدىڭ قاتىسۋىمەن جۇزە­گە اسىرىلاتىن بىرلەسكەن جوبا­لار قازاقستان ەكونوميكاسىنىڭ ءار­تۇر­لى سالالارىن قامتيتىنى ايتىلدى. وسى ورايدا ءىس-شارالار بارىسىن­دا اۆياتسيالىق جانە عارىشتىق ونەركاسىپ, اۋىل شارۋاشىلىعى, كولىك جانە ت.ب. سالالارداعى جەتەكشى امەريكالىق كومپانيالار – «Chevron Overseas», «W. R. Grace&Co», «GE Transportation Parts LLC», «Pfizer», «John Deere», «Amity Technology», «Global Beef Investments LLP» جانە باسقالارىمەن ين­ۆەس­تيتسيالىق جانە ساۋدا-ەكونو­مي­كالىق ىن­تىماقتاستىق تۋرالى, كوممەر­تسيا­لىق قۇجاتتارعا قول قويىلدى.

سونداي-اق مەملەكەت باسشىسىنىڭ ء«تورتىنشى ونەركاسىپتىك رەۆوليۋ­تسيا جاعدايىنداعى دامۋدىڭ جاڭا مۇم­كىن­دىكتەرى» جولداۋىندا كورسەتىلگەن تاپ­سىرمالارعا سايكەس, رەسپۋبليكانىڭ ەكونوميكاسىن تسيفرلىق باعىتقا كوشى­رۋ­گە قاتىستى مامىلەلەر جاسالدى.

ولاردىڭ ىشىندە احقو, «يتپ» اكق جانە «IBM» اراسىندا Astana Startup HUB IT-تەحنوپاركىنىڭ بازاسىندا قارجىلىق تەحنولوگيالار بويىنشا ين­كۋ­باتوردى قۇرۋ تۋرالى, «يتپ» اكق جا­نە «Global Venture Alliance» اراسىندا ونەركاسىپتى تسيفرلاندىرۋ قورىن قۇرۋ تۋرالى, سونداي-اق «GE Digital» جانە «سامۇرىق-قازىنا» ۇاق» اق اراسىندا تەمىر جول كولىگىن, ەنەرگەتيكانى, مۇ­ناي وڭدەۋدى جانە ەكونوميكانىڭ باس­قا دا سەكتورلارىن تسيفرلاندىرۋ جونىن­دە­گى جوبالاردى جۇزەگە اسىرۋ بويىنشا ست­­را­تەگيالىق ارىپتەستىك تۋرالى كەلى­سىم­دەر ءتۇزىلدى.

قازاقستان-امەريكا ساۋدا-ەكونو­مي­كالىق جانە ينۆەستيتسيالىق قارىم-قا­تىناستارىن ودان ءارى دامىتۋعا, سون­داي-اق ەكى ەلدىڭ ىسكەرلىك توپتارىن جا­قىن­داستىرۋعا ارنالعان ماڭىزدى ما­سەلەلەردىڭ ءبىرى «Kazakh Invest» باس­قارما توراعاسى س.تۇياقباەۆتىڭ اقش قارجىلىق ينستيتۋتتارىمەن جەكە­مەن­شىك شەتەلدىك ينۆەستيتسيالار كورپو­راتسياسى (Overseas Private Investment Corporation (OPIC) جانە وپپەنحايمەر سياقتى اقش-تىڭ ءىرى قارجىلىق ينستيتۋتتارىمەن جالپى سوماسى 3 ميلليارد اقش دوللارىنا بىرلەسكەن ينۆەستيتسيالىق جو­بالاردى جانە ساۋدا وپەراتسيالارىن قار­جىلاندىرۋ تۋرالى قۇجاتتارعا قول قويۋى بولدى.

سونداي-اق «Oppenheimer» امەري­كا­لىق قورىنىڭ باسقارۋشى ديرەكتورى پيتەر البانومەن بىرگە قازاقستانداعى جو­بالاردى قارجىلاندىرۋ نەمەسە ينۆەس­تيتسيا قۇيۋ ءۇشىن امەريكالىق قار­جى­ ينستيتۋتتارىن تارتۋ جونىندەگى ءوزارا تۇسىنىستىك تۋرالى مەموراندۋم جاسالدى. مەملەكەت باسشىسىنىڭ اقش-قا رەسمي ساپارى اياسىندا جالپى سوماسى 7 ميلليارد دوللار بولاتىن كوممەرتسيالىق قۇجاتتارعا قول قويىلدى.