تاۋەلسىزدىكتىڭ 20 جىلدىعىنا وراي الماتى قالاسىندا شەكاراشىلارعا 120 پاتەردىڭ كىلتى سالتاناتتى تۇردە تابىس ەتىلدى. بار عۇمىرىن شەكارا ومىرىنە ارناعان ارداگەرلەر مەن ۇقك شەكارا قىزمەتىنىڭ الماتى گارنيزونىندا قىزمەت اتقاراتىن اسكەري قىزمەتشىلەرى ءۇشىن بۇل كۇن ەرەكشە ەستە قالدى. جاڭا قونىستىڭ يەلەرىن ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى گەنەرال-مايور ن.مىرزاليەۆ قۇتتىقتادى.
پرەزيدەنت ن.نازارباەۆتىڭ ۇنەمى قولداۋىنىڭ ارقاسىندا ەل شەكاراسى بارلىق ەندىكتەرى بويىنشا نىعايتىلۋدا, سونداي-اق, ەل شەبىن كوزىنىڭ قاراشىعىنداي كۇزەتىپ جۇرگەن شەكاراشىلاردىڭ الەۋمەتتىك تۇرمىسىنا باسا كوڭىل بولىنۋدە. سونىڭ ناقتى ايعاعى, شەكاراشىلار ءۇشىن تۇرعىن ۇيلەر سالىنۋدا, جاڭا پاتەرلەر ساتىپ الىنۋدا. وعان قازاقستان تاۋەلسىزدىگىنىڭ 20 جىلدىعى قارساڭىندا ءوتىپ جاتقان وسىنداي سالتاناتتى شارالار سوزىمىزگە دالەل بولا الادى. ماسەلەن, ءبىر اي بۇرىن ۇقك شەكارا قىزمەتىنىڭ «وڭتۇستىك» ايماقتىق باسقارماسىنىڭ 60 اسكەري قىزمەتشىسى جاڭا پاتەرگە كوشىپ, قونىس تويىن تويلادى.
«ەگەمەن-اقپارات».