ەلباسىنىڭ جىل سايىنعى جولداۋى – ەلىمىزدىڭ الداعى جىلدارعا جوسپارلانعان مىقتى ستراتەگيالىق ماقساتتارى مەن مىندەتتەرىن ايقىندايتىن بۇكىل قازاقستاندىقتارعا, جالپى قوعامعا ۇندەگەن اسا ماڭىزدى قۇجات.
ءار جىل سايىنعى پرەزيدەنت جولداۋى ءوز جاڭالىقتارىمەن, قۇندى يدەيالارىمەن, ەلىمىزدىڭ جاڭعىرۋىنا, كوركەيۋىنە نەگىز بولاتىن سالماقتى تۇجىرىمدارمەن ەرەكشەلەنەدى.
قازاقستان رەسپۋبليكاسىنىڭ پرەزيدەنتى ن. ءا. نازارباەۆ 2018 جىلدىڭ 11 قاڭتارىندا ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» تاقىرىبىندا قازاقستان حالقىنا كەزەكتى جولداۋىن جاريالادى. ەلباسىنىڭ بيىلعى جولداۋى – ەلىمىزدىڭ وركەندەۋ جولىنداعى بۇعان دەيىنگى ۇسىنىلىپ, جۇزەگە اسىرىلىپ جاتقان قارقىندى رەفورمالاردىڭ, اتاپ ايتقاندا, «ماڭگىلىك ەل», «100 ناقتى قادام» ۇلت جوسپارى, «تسيفرلىق قازاقستان» باعدارلامالارىنىڭ زاڭدى جالعاسى. «قازاقستان الەمدەگى ءتۇرلى سىناقتارعا توتەپ بەرىپ, قارقىندى ەكونوميكالىق دامۋ جولىنا بەت الدى. ەلىمىزدىڭ 2050-ءشى جىلعا دەيىنگى ۇزاق مەرزىمدى دامۋ ستراتەگياسى جۇزەگە اسىرىلۋدا. 100 ناقتى قادام ۇلت جوسپارى اياسىندا ءبىز رەفورمالاردى جۇرگىزىپ كەلەمىز. يندۋستريالاندىرۋ سالاسىن وركەندەتۋ ءۇشىن جۇيەلى جۇمىستار اتقارىلۋدا. ءبىز كونستيتۋتسيالىق رەفورمانى جۇزەگە اسىرىپ, ەلىمىزدىڭ ءۇشىنشى جاڭعىرۋىن باستادىق. رۋحاني جاڭعىرۋ باعىتى بويىنشا كەشەندى ءىس-شارالار جۇرگىزىلۋدە. «تسيفرلىق قازاقستان» باعدارلاماسى قابىلداندى», – دەدى ن. ءا. نازارباەۆ جولداۋىندا.
ەلىمىز ءوزىنىڭ تاۋەلسىزدىك العاننان بەرگى 26 جىلدىق دامۋ كەزەڭىنەن ابىرويمەن ءوتىپ, حالىقارالىق ارەنادا بيىك بەلەستەردى باعىندىردى. ءوزىنىڭ ەكونوميكالىق دامۋ قارقىنىن الدىڭعى قاتارلى وزىق ەلدەردىڭ قاتارىنا قوسىلۋىمەن دالەلدەدى. پرەزيدەنت تالداپ كورسەتكەندەي, ادامزات جاڭا ونەركاسىپتىك رەۆوليۋتسيا داۋىرىنە اياق باسقان تۇستا مەملەكەتىمىز رۋحاني جاڭعىرۋ جولىندا بەرىك نەگىز قالادى.
ەندىگى كوزدەلەتىن مەجە – ءتورتىنشى ونەركاسىپتىك جاڭعىرۋ بولماق. جولداۋدىڭ تاقىرىبى ايتىپ تۇرعانداي, بۇگىنگى كۇنى قوعام دا, مەملەكەت تە, ءتىپتى ازاماتتارىمىزدىڭ وي-ساناسى دا كەزەكتى ونەركاسىپتىك وزگەرىس جاعدايىنداعى دامۋدىڭ جاڭا مۇمكىندىكتەرىن باستان وتكەرەتىن كەزەڭگە كەلدى.
ەلباسى جولداۋىندا ۇسىنىلعان ەل دامۋىنىڭ باستى باعىتى – تسيفرلاندىرۋ, ياعني قازاقستاندى جاڭا الەمدەگى كوشباسشى ەلدەردىڭ قاتارىنا كىرگىزۋ ءۇشىن ءومىردىڭ بارلىق سالاسىنا تسيفرلىق تەحنولوگيانى بەلسەندى ەنگىزۋ قاجەت. مەملەكەت باسشىسى بيىلعى جولداۋىندا ەلدىڭ ەكونوميكا جانە الەۋمەتتىك سالالارىنداعى كۇن تارتىبىندە تۇرعان كەزەك كۇتتىرمەيتىن اسا ماڭىزدى 10 مىندەتتى بەلگىلەپ بەردى. بۇل مىندەتتەر – بيىك بەلەستەردى باعىندىرۋعا جەتەلەيتىنى ءسوزسىز. جولداۋدا قازاقستاننىڭ يندۋستريالىق وركەندەۋىنە, اگروونەركاسىپ كەشەنى مەن كولىك-لوگيستيكا ينفراقۇرىلىمىنىڭ دامۋىنا, بانك سەكتورلارىنىڭ قايتا جاڭعىرتىلۋىنا اسا كوڭىل بولىنگەن.
مەملەكەت باسشىسىنىڭ جولداۋىندا ءداستۇرلى الەۋمەتتىك دامۋ ماسەلەلەرى دە نازاردان تىس قالمادى. قازىرگى تاڭدا الەۋمەتتىك سالادا تسيفرلىق تەحنولوگيالاردى دامىتۋدىڭ ماڭىزى زور. قۇرىلىسقا جانە كوممۋنالدىق سەكتورعا زاماناۋي تەحنولوگيالاردى ەنگىزۋ, الدىڭعى قاتارلى ءبىلىم جۇيەسىن قۇرۋ, مەديتسينالىق كومەكتىڭ قول جەتىمدىلىگى مەن تيىمىدىلىگىن ارتتىرۋ, حالىقتىڭ ساپالى جۇمىسپەن قامتىلۋى – مۇنىڭ ءبارى مىندەتتى تۇردە ءبىزدىڭ ازاماتتارىمىزدىڭ ءومىر ءسۇرۋ دەڭگەيىن كوتەرەتىنى انىق.
ادامزات بالاسىنىڭ قول جەتكىزگەن ۇلى يگىلىكتەرىنىڭ بارلىعى – ءبىلىم, وقۋ مەن توقۋ ارقىلى جاسالعان. ءبىلىم الۋ سيپاتى الۋان ءتۇرلى ەكەنىن ەسكەرسەك, زاماناۋي ءبىلىم بەرۋ جۇيەسىنىڭ ماقساتى – باسەكەگە قابىلەتتى, جان-جاقتى, كوپ ءتىل بىلەتىن مامان دايىنداۋ ەكەنى بەلگىلى. بيىلعى جولداۋىندا مەملەكەت باسشىسى ءبىلىم بەرۋدىڭ جاڭا ساپاسىنا اسا نازار اۋدارادى. بۇل جولداۋدا ءبىلىم قوعامىن دامىتۋعا ارنالعان قۇندىلىقتار قاتارىندا بارلىق جاستاعى ازاماتتاردى قامتيتىن ءبىلىم بەرۋ ىسىندە ءوزىمىزدىڭ وزىق جۇيەمىزدى قۇرۋ, زاماناۋي تەحنيكالىق تۇرعىدان قولداۋ كورسەتۋ, تسيفرلىق ءبىلىم بەرۋ رەسۋرستارىن دامىتۋ, وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ, باعدارلامالاردىڭ بىرىڭعاي ستاندارتتارىن ەنگىزۋ, ورتا ءبىلىم بەرۋ سالاسىندا جاڭارتىلعان مازمۇنعا كوشۋ, پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ, ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسىن كۇشەيتۋ, لاتىن الىپبيىنە كوشۋ مىندەتتەرىن ناقتىلادى. «جاڭارتىلعان مازمۇن دەگەنىمىز – حالىقارالىق ستاندارتتارعا ساي كەلەتىن جانە نازارباەۆ زياتكەرلىك مەكتەپتەرىندە بەيىمدەلۋدەن وتكەن زاماناۋي وقۋ باعدارلامالارى», – دەدى ەلباسى.
جالپى, بيىلعى جولداۋدىڭ مازمۇنى باستى مىندەتتەردى جۇزەگە اسىرۋدا بارلىق ازاماتتاردىڭ بەلسەندى اتسالىسۋىن تالاپ ەتەدى. پرەزيدەنت جولداۋى – ءاربىر قازاقستاندىق ءۇشىن قارقىندى ۇمتىلىستىڭ جولى بولماق. پرەزيدەنت جولداۋىنداعى جاڭا باعىتتار ەلىمىزدىڭ الەۋمەتتىك-ەكونوميكالىق دامۋىنا ەرەكشە سەرپىن بەرەتىنىنە كامىل سەنەمىن.
امىرحان راحىمجانوۆ قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى ديرەكتورىنىڭ ورىنباسارى, ساياسي عىلىمداردىڭ دوكتورى, پروفەسسور