سەنات دەپۋتاتتارى ماناپ كوبەنوۆ پەن نۇرجان نۇرسيپاتوۆتىڭ پاۆلودار وبلىسىنىڭ اكىمى بولات باقاۋوۆپەن كەزدەسۋى بارىسىندا ايماقتىڭ تىنىس-تىرشىلىگى تۋرالى ايتىلدى جانە تۇرعىن ءۇي قۇرىلىسى مەن دەنساۋلىق ساقتاۋ نىساندارى, سونداي-اق سۋ قۇبىرى جەلىسىن جاڭعىرتۋ ماسەلەلەرى ەگجەي-تەگجەيلى تالقىلاندى.
م.كوبەنوۆ ەرتىس ءوڭىرىنىڭ ەكونوميكالىق دامۋ قارقىنىن جوعارى باعالادى جانە الەۋمەتتىك ماڭىزى زور جوبالاردى ىسكە اسىرۋعا قاجەتتى ازىرلىك تۋرالى ايتتى.
سەناتورلار پاۆلودار اۋدانىنداعى لۋگانسك اۋىلىندا ايماقتاعى ءىرى وندىرىستىك كووپەراتيۆتەردىڭ ءبىرى – «لۋگانسك» تاۋارلى ءسۇت فەرماسىنىڭ قۇرىلىسىندا بولدى. كاسىپورىن جەتەكشىسى پەتر كۋزمەنكو دەپۋتاتتاردى نىسان قۇرىلىسى تۋرالى حاباردار ەتتى. 316 ءمۇيىزدى ءىرى قارا مالعا ارنالعان كاسىپورىن جوباسىنىڭ جالپى قۇنى 250 ميلليون تەڭگەنى قۇرايدى.
فاريدا بىقاي, «ەگەمەن قازاقستان»
پاۆلودار وبلىسى