ميانما اسكەرى راكحاين شتاتىنداعى قاقتىعىستار كەزىندە ادام ولتىرۋگە قاتىسقانىن مويىندادى. باياندامادا ايتىلعانداي, قاۋىپسىزدىك كۇشتەرىنىڭ 4 مۇشەسى ينن دين اۋىلىندا 10 ادامدى ولتىرگەن, دەپ حابارلادى ۆۆس.
ميانما جۋرناليستەر مەن سىرتتان كەلگەن تەرگەۋشىلەرگە راكحاينداعى جاعدايدى زەرتتەۋگە تىيىم سالعان بولاتىن. ال وتكەن ايدا اسكەريلەر ينن ديننەن تابىلعان 10 ادامنىڭ ءمايىتىن زەرتتەيتىنىن ايتتى. تەرگەۋ ناتيجەلەرىندە كىسى ءولتىرۋ جاعدايى 2 قىركۇيەكتە بولعانى انىقتالدى.
"بۇل راس. اۋىل تۇرعىندارى دا, قاۋىپسىزدىك كۇشتەرى دە 10 بەنگال تەررورشىسىن ولتىرگەنىن ايتتى. اسكەر ادام ولتىرگەندەرگە جانە ەرەجە بۇزعاندارعا قاتىستى بارلىق جاۋاپكەرشىلىكتى ءوز موينىنا الادى", دەلىنگەن حابارلامادا. بۇل ميانما قارۋلى كۇشتەرىنىڭ وسىنداي جاعدايلاردى العاشقى رەت مويىنداۋى.
ەستەرىڭىزگە سالا كەتسەك, ميانما راكحاين شتاتىندا ەتنيكالىق "تازالاۋ جۇمىستارىن" جۇرگىزىپ جاتقانى ءۇشىن ايىپتالۋدا. ەلدەگى جاپپاي زورلىق-زومبىلىق كەسىرىنەن 650 مىڭنان استام ادام بانگلادەشكە قاشىپ كەتكەن.