استانادا ادام قۇقىقتارى جونىندەگى ۋاكىل ا.شاكىروۆتىڭ توراعالىعىمەن قر-داعى ادام قۇقىقتارى ءجونىندەگى ۋاكىل, استانا قالاسىنداعى ەقىۇ ورتالىعى مەن ادام قۇقىقتارى جونىندەگى دانيا ينستيتۋتىنىڭ اراسىنداعى «قازاقستان رەسپۋبليكاسىنداعى ادام قۇقىقتارى جونىندەگى ۋاكىلدىڭ (ومبۋدسمەننىڭ) قولداۋى» جوباسىنىڭ اياقتالۋىنا ارنالعان دوڭگەلەك ۇستەل ءوتتى.
دوڭگەلەك ۇستەل جۇمىسىنا پارلامەنت دەپۋتاتتارى, مەملەكەتتىك ورگانداردىڭ, حالىقارالىق جانە ۇكىمەتتىك ەمەس ۇيىمداردىڭ, ديپلوماتيالىق كورپۋستىڭ, عىلىمي ورتانىڭ, بۇقارالىق اقپارات قۇرالدارىنىڭ وكىلدەرى قاتىستى.
دوڭگەلەك ۇستەلگە قاتىسۋشىلار اتاپ وتكەندەي, بۇل جوبا ۋاكىل مەكەمەسىنىڭ الەۋەتىن دامىتۋ بويىنشا ۇمتىلىستاردى بىرىگىپ نىعايتتىرۋ ءۇشىن ماڭىزى زور بولدى. جوبا شەڭبەرىندە وتكىزىلگەن ءىس-شارالار قازاقستاندا ومبۋدسمەن ينستيتۋتىنىڭ ءارى قاراي ينستيتۋتتىق جانە فۋنكتسيالىق دامۋى ءۇشىن جاعىمدى العىشارتتار قۇردى.