2011 جىلعى 7 قاراشا, استانا قالاسى
«تاۋلىك زونالارى بويىنشا جانە (نەمەسە) ونى جەكە تۇلعالاردىڭ تۇتىنۋ كولەمىنە قاراي ەلەكتر ەنەرگياسىنا ارنالعان تاريفتەردى ەنەرگيامەن جابدىقتاۋشى ۇيىمداردىڭ سارالاۋ ەرەجەسىن بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2009 جىلعى 20 اقپانداعى № 57-نق بۇيرىعىنا تولىقتىرۋ ەنگىزۋ تۋرالى
«ەلەكتر ەنەرگەتيكاسى تۋرالى» قازاقستان رەسپۋبليكاسى زاڭىنىڭ 7-بابىنىڭ 1) تارماقشاسىنا سايكەس بۇيىرامىن:
1. «تاۋلىك زونالارى بويىنشا جانە (نەمەسە) ونى جەكە تۇلعالاردىڭ تۇتىنۋ كولەمىنە قاراي ەلەكتر ەنەرگياسىنا ارنالعان تاريفتەردى ەنەرگيامەن جابدىقتاۋشى ۇيىمداردىڭ سارالاۋ ەرەجەسىن بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2009 جىلعى 20 اقپانداعى № 57-نق بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5602 نومىرمەن تىركەلگەن, «زاڭ گازەتى» گازەتىنىڭ 2009 جىلعى 10 ساۋىردەگى № 53 (1476) نومىرىندە جاريالانعان) مىناداي تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن تاۋلىك زونالارى بويىنشا جانە (نەمەسە) ونى جەكە تۇلعالاردىڭ تۇتىنۋ كولەمىنە قاراي ەلەكتر ەنەرگياسىنا ارنالعان تاريفتەردى ەنەرگيامەن جابدىقتاۋشى ۇيىمداردىڭ سارالاۋ ەرەجەسىندە:
31-تارماق ءبىرىنشى بولىكتەن كەيىن مىناداي مازمۇنداعى بولىكپەن تولىقتىرىلسىن:
«اسىرا تۇتىنعانى ءۇشىن ەڭ جوعارى تاريف بويىنشا اقى الىناتىن ەلەكتر ەنەرگياسىن تۇتىنۋدىڭ شاماسىن ەلەكتر پليتالارىن پايدالاناتىن جانە پايدالانبايتىن جاسى بويىنشا زەينەتكەرلىكتەگى جالعىز تۇراتىن ادامدار, مۇگەدەكتەر, ۇلى وتان سوعىسىنا قاتىسۋشىلار جانە ولارعا تەڭەستىرىلگەن تۇلعالار ءۇشىن, جەكە مەنشىگىندە بىرەۋدەن ارتىق تۇرعىن ءۇي-جايى (پاتەرى) بار اتالعان تۇلعالاردى قوسپاعاندا, جەرگىلىكتى اتقارۋشى ورگاننىڭ (وبلىس, رەسپۋبليكالىق ماڭىزى بار قالا, استانا اكىمدىگىنىڭ) كەلىسىمى بويىنشا ۋاكىلەتتى ورگان بەلگىلەيدى.».
2. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ اۋماقتىق ورگاندارى وسى بۇيرىقتىڭ 1-تارماعىنىڭ ءتورتىنشى ابزاتسىندا كوزدەلگەن جاعدايلار ورىن العان بۇرىن قابىلدانعان شەشىمدەرگە وزگەرىستەر ەنگىزسىن.
3. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ ەلەكتر جانە جىلۋ ەنەرگەتيكاسى سالاسىنداعى رەتتەۋ دەپارتامەنتى (ق.ت. كوككوزوۆا) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن.
4. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ اكىمشىلىك جۇمىسى دەپارتامەنتى (ر.ە. سۇلەيمەنوۆا) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن:
1) ونى بۇقارالىق اقپارات قۇرالدارىندا بەلگىلەنگەن تارتىپپەن جاريالاۋدى جانە تيiستi اقپاراتتى كەيىننەن زاڭ دەپارتامەنتiنە (م.ش. مۋكۋشەۆا) ۇسىنۋدى قامتاماسىز ەتسىن;
2) ونى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ قۇرىلىمدىق بولىمشەلەرى مەن اۋماقتىق ورگاندارىنىڭ نازارىنا جەتكىزسىن.
5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى ا.ۆ. شكارۋپاعا جۇكتەلسىن.
6. وسى بۇيرىق العاش رەت رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
توراعا ن. الدابەرگەنوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 8 قاراشاداعى نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7288 بولىپ ەنگىزىلدى.