پەتروپاۆل قالالىق ىشكى ىستەر باسقارماسىنا قاراستى كاۆالەريا ۆزۆودىنىڭ بازاسى تىرەك-قيمىل اپپاراتى زاقىمدانعان بالالارعا يپپوتەراپيا كۋرستارىن وتكىزۋ الاڭىنا اينالدى.
مۇندا جۇمىس بابىمەن بولعان وبلىس اكىمى قۇمار اقساقالوۆ بالالارمەن تىلدەسىپ, يپپوتەراپيانىڭ پايدالى تۇستارىن ايتقان بولاتىن. اڭگىمە بارىسىندا مۇگەدەك بۇلدىرشىندەر اتقا ءمىنۋ قيىنعا سوعاتىنىن, پوني ساتىپ اپەرۋدى وتىنگەن ەدى.
جاڭا جىل قارساڭىندا بالاقايلاردىڭ تىلەگى ورىندالدى. كۋرستىڭ قاتىسۋشىلارى ەكى بىردەي پونيعا يە بولدى. ەندى يپپوتەراپيا كۋرسى ودان ءارى پايداسىن تيگىزىپ, سونىمەن قاتار سەرۋەندەيتىن دە بولادى. پونيعا العاشقىلاردىڭ قاتارىندا ينتەرنات تاربيەلەنۋشىسى ساندۋعاش مولداباەۆا ءمىندى. ول ەم-دوم كۋرسىنا 2014 جىلدان كەلىپ ءجۇر.
«ماعان اتپەن سەرۋەندەگەن وتە ۇنايدى. بۇگىن پونيعا ءمىنىپ كوردىم, ماعان ۇنادى»», - دەيدى ساندۋعاش.
مۇندا يپپوتەراپيا كۋرسىنا تىرەك-قيمىل اپپاراتى زاقىمدانعان بالالارعا ارنالعان ينتەرناتتىڭ تاربيلەلەنۋشىلەرى جانە اتا-انا قامقورىنسىز قالعان بالالار دا جاتتىعا الادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى