وبلىستىق «قازاقستان حالقى اسسامبلەياسى» عيماراتىندا بەلگىلى قوعام قايراتكەرى, عالىم, مەملەكەتتىك ءتىلدىڭ جاناشىرى, «دوستىق» جانە «پاراسات» وردەندەرىنىڭ يەگەرى اسىلى وسماننىڭ كەزدەسۋ كەشى ءوتتى دەپ حابارلايدى «Egemen.kz» ءتىلشىسى.
مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى ۇلتتىق بىرگەيلىكتى ساقتاۋ, ۇلتتىق قود, بارشا قازاقستاندىقتاردى بىرىكتىرۋشى مەملەكەتتىك ءتىلدىڭ مارتەبەسىن كوتەرۋ جايى كەڭىنەن ءسوز بولعان رۋحاني كەشكە زيالى قاۋىم وكىلدەرى, قوعامدىق ۇيىمدار جانە وبلىستىق ەتنومادەني بىرلەستىكتەردىڭ توراعالارى مەن مۇشەلەرى, وقۋ ورىندارىنىڭ وقىتۋشىلارى مەن ستۋدەنتتەر قاتىستى.
«الەمدە قازاق حالقىنداي جۇرەگى كەڭ, كوڭىلى دارحان ۇلت جوق دەپ سانايمىن. قيىن-قىستاۋ كەزەڭدە بارشا ەتنوستاردى قۇشاعىنا الىپ, باۋىرىنا باستى. ءوز باسىنداعى قيىندىعىنا قاراماي ءبىر نانىن ءبولىپ بەردى. ەندەشە, قازاقتىڭ نانىن جەگەن ادام, ءتىلىن دە ءبىلۋى ءتيىس!
ءدال قازىرگى تاڭدا ءبىز قوي ۇستىنە بوزتورعاي جۇمىرتقالاعان زاماندا ءومىر سۇرۋدەمىز. تۇراقتىلىق دەگەنىمىز سول. بولاشاعىمىزدى باياندى ەتۋ ءۇشىن ەلباسىمىزدىڭ جۇيەلى ساياساتىن تۋ ەتىپ, بەرەكەلى بىرلىگىمىزدى بەكەمدەپ, قازاق حالقىنىڭ اينالاسىنا توپتاسا ءتۇسۋىمىز ءتيىس, - دەدى كەزدەسۋدە اسىلى اليقىزى.
كەش سوڭىندا وبلىستىق قازاقستان حالقى اسسامبلەياسى توراعاسىنىڭ ورىنباسارى ءمۇراتالى قالمۇراتوۆ قادىرلى قوناققا العىس ءبىلدىرىپ, گۇل شوعىن تارتۋ ەتتى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.