بۇگىن ماجىلىستەگى ۇكىمەت ساعاتىندا سىرتقى ىستەر ءمينيسترى قايرات ابدىراحمانوۆ ازاقستان مەن موڭعوليانى بايلانىستىراتىن اۆتوكولىك جولىن سالۋ تالقىلانىپ جاتقانىن, جول قىتاي مەن رەسەي اۋماعى ارقىلى وتەتىنىن حابارلادى.
مينيستر موڭعوليادا قازاق دياسپوراسىنىڭ كوپ ەكەنىن, بۇل ەلدىڭ قازاقستاننىڭ سىرتقى ساياساتىندا ماڭىزدى ورىن الاتىنىن اتاپ ءوتتى.
"ەكىجاقتى قارىم-قاتىناستاردىڭ باسىمدىققا يە ماسەلەلەرى – بايان-ولگي ايماعىندا كونسۋلدىق پۋنكتىن اشۋ, سونداي-اق قىتاي مەن رەسەي اۋماعى ارقىلى وتەتىن قازاقستاندى موڭعوليامەن بايلانىستىراتىن اۆتوكولىك جولىنىڭ قۇرىلىسى بولىپ تابىلادى", — دەدى ق.ءابدىراحمانوۆ.
بۇدان بولەك, مينيستر قازاقستاننىڭ قىتاي, جاپونيا, وڭتۇستىك كورەيا, ءۇندىستان, ۆەتنام, سينگاپۋر, مالايزيا, يندونەزيا ەلدەرىمەن كوپجاقتى ارىپتەستىكتى تەرەڭدەتۋگە نيەتتى ەكەنىن ايتتى.