قىرعىزستان پرەزيدەنتىنىڭ استاناعا كەلۋى قازاقستان مەن قىرعىزستاننىڭ ستراتەگيالىق باسىمدىققا يە نەگىزگى سەرىكتەس ەل ەكەندىگىن ايقىن اڭعارتادى.
رەسمي بىشكەك شەكارالىق ساۋدانى دامىتا وتىرىپ, قىتاي تاۋارلارىن قازاقستان نارىعىنا قايتا ەكسپورتتاۋ ارقىلى ەكونوميكالىق الەۋەتىن ارتتىرىپ, ساۋدا-ەكونوميكالىق ارىپتەستىكتى نىعايتۋعا بەيىلدى.
سونداي-اق قازاقستان دا كورشى ەلدىڭ شاعىن جانە ورتا بيزنەس ونىمدەرىن كەڭ كولەمدە تۇتىنۋ نارىعىنا يە. وسى ورايدا, قازاقستان تاراپىنان قولايلى جاعدايلار جاسالىپ, ءتيىمدى ۇسىنىستار تۇسسە, وتاندىق بيزنەسكە قىرعىزستان ەكونوميكاسىنىڭ قاتىسۋ ۇلەسى ارتۋى مۇمكىن.
سونىمەن قاتار مەملەكەتتەر باسشىلارىنىڭ بۇل كەزدەسۋىنىڭ ساياسي سالماعى دا جوعارى. ويتكەنى, ەرتەرەكتەگى بەيرەسمي كەلىسىمدەردىڭ بارلىعى دا وسى جولى تالاپقا ساي دەڭگەيدە قول قويىلىپ, بەكىتىلدى. نەگىزگى ءسوز ەكىجاقتى ساۋدا-ەكونوميكالىق ارىپتەستىكتى دامىتۋ مەن مەملەكەتتىك شەكارالىق قىزمەتتىڭ جۇمىسىن جەتىلدىرۋ اۋانىندا ءوربىدى. وعان قوسا, بۇرىنىراقتا قول قويىلعان «جول كارتاسىنىڭ» جۇزەگە اسىرىلۋىنا وڭ قاباق بايقالدى.
ورازعالي سەلتەەۆ, قازاقستان رەسپۋبليكاسى تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ جەتەكشى ساراپشىسى