مەملەكەت باسشىسى جىل قورىتىندىسى بويىنشا وتاندىق مەديا وكىلدەرىنە سۇحبات بەردى. كەزدەسۋدە «ەكسپو-2017» كورمەسى مەن ونىڭ ەل ەكونوميكاسىنا قالاي اسەر ەتكەندىگى ءسوز بولىپ, ەڭبەك ميگراتسياسى, «جاسىل» ەكونوميكا, «تسيفرلى قازاقستان», «قازاقستانداعى 100 جاڭا ەسىم» جوبالارىنىڭ ءمان-ماڭىزى ايتىلدى. سونىمەن بىرگە رەسەيدە وتەتىن سايلاۋدىڭ قازاقستانعا ىقپالى تۋراسىندا قويىلعان ساۋالعا جاۋاپ بەرگەن ەل پرەزيدەنتى نۇرسۇلتان نازارباەۆ رەسەيدىڭ ساۋدا-ەكونوميكالىق ماقساتتاعى جاقىن كورشىسى ەكەندىگىنە توقتالدى.
«رەسەي ءبىزدىڭ جاقىن كورشىمىز ءارى ەكونوميكالىق بايلانىستار تۇرعىسىنان ارىپتەسىمىز. ورتاق تاريحىمىز بار. سوندىقتان بولاشاقتا دا جاقىن بولا تۇسەمىز, جەكەلەي قاتىناستاردا ءوزارا كەڭەس الىسىپ-بەرىسەمىز. ورتاق سۇراقتاردى شەشۋدە ورتاق تاپسىرمالار بار. سايلاۋدا ۆلاديمير پۋتينگە تابىس تىلەيمىن ءارى وسى سايلاۋدىڭ ءفاۆوريتى دەپ ويلايمىن. قىسپاق ۇستىندەگى رەسەي ءۇشىن بۇل دۇرىس تا. مەملەكەت قايراتكەرى ءارى ەل پرەزيدەنتى رەتىندە پۋتين حالقىن العا تارتىپ كەلەدى», دەدى نۇرسۇلتان نازارباەۆ جۋرناليستەرگە بەرگەن سۇحباتىندا.