مەملەكەت باسشىسى جىل قورىتىندىسى بويىنشا وتاندىق مەديا وكىلدەرىنە سۇحبات بەردى. كەزدەسۋدە «ەكسپو-2017» كورمەسى مەن ونىڭ ەل ەكونوميكاسىنا قالاي اسەر ەتكەندىگى ءسوز بولىپ, ەڭبەك ميگراتسياسى, «جاسىل» ەكونوميكا, «تسيفرلى قازاقستان», «قازاقستانداعى 100 جاڭا ەسىم» جوبالارىنىڭ ءمان-ماڭىزى ايتىلدى.
«ەلوردانى وركەندەتۋدە قارجى كەرەك بولدى. استانا قالاسىنىڭ جىل سايىنعى بيۋدجەتى 1 تريلليون تەڭگە. نەگىزگى قور رەتىندە تۇرعىن-ءۇيدى ايتامىز. مىنە حالىق سانى 4 ەسەگە ارتىپ, ميلليون تۇرعىنى بار قالاعا اينالىپ وتىر. 2030 جىلعا قاراي حالىق سانى 2 ميلليونعا جەتەدى. ال نەگىزىندە استانانى 500 مىڭ تۇرعىنى عانا بار تازا اكىمشىلىك قالا بولادى دەپ ويلادىم. قالانى سالىپ باستاعان سوڭ, ونداعى ومىرگە توسقاۋىل قويۋ مۇمكىن ەمەس», دەگەن پرەزيدەنت قالانىڭ ينۆەستيتسيالىق مۇمكىندىگىنىڭ جىل سايىن ارتىپ كەلە جاتقانى تۋرالى ايتىپ ءوتتى.
سونىمەن بىرگە اڭگىمە قوعامدىق سانانى جاڭعىرتۋ جانە قازاق ءتىلىن لاتىن قارپىنە كوشىرۋ باستاماسى توڭىرەگىندە ءوربىدى. نۇرسۇلتان نازارباەۆ بيلىكتەگى جاڭا تاعايىنداۋلار مەن قازاق-قىرعىز, قازاق-وزبەك بايلانىسىنىڭ قالاي داميتىنى جايلى وي-پىكىرىن ءبىلدىردى.