ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ نەگىزىندە «رۋحاني قازىنا» كىشى باعدارلاماسىنىڭ «100 كىتاپ» جوباسى اياسىندا تاراز يننوۆاتسيالىق-گۋمانيتارلىق ۋنيۆەرسيتەتىندە ء«بىر كىتاپتى ءبىر مەزگىلدە وقۋ» اكتسياسى ءوتتى. تاراز قالاسىنداعى د.قوناەۆ اتىنداعى بالالار مەن جاسوسپىرىمدەر كىتاپحاناسى ۇيىمداستىرعان شارا بارىسىندا تالقىلاۋعا سۇلتانماحمۇت تورايعىروۆتىڭ «قامار سۇلۋ» رومانى تاڭدالدى.
ادەبي شاراعا تاراز قالاسىنداعى مەكتەپتەردىڭ ادەبيەت پەن ءتىل ماماندارى, بەلسەندى وقۋشىلارى قاتىسىپ, شىعارما توڭىرەگىندە پىكىر ءبىلدىردى. سونىمەن قاتار اتالعان كىتاپحانا ديرەكتورى گۇلفايرۋز ىڭكاربەكوۆا, تاراز يننوۆاتسيالىق-گۋمانيتارلىق ۋنيۆەرسيتەتىنىڭ اعا وقىتۋشىسى مەڭدىباي ابىلوۆتەر قازاق ادەبيەتىندە ايتۋلى ورنى بار شىعارما توڭىرەگىندە وي ءبولىستى. اقىننىڭ «اداسقان ءومىر», «كەدەي» شىعارمالارى جونىندە دە بىرقاتار پىكىرلەر ايتىلدى.
شارا بارىسىندا ءتىل مامانى جۇماعالي ماحانبەتوۆ «قامار سۇلۋ» رومانىنداعى كەيىپكەرلەر دارالىعىنا بايلانىستى ويىن ايتسا, انەل التىنبەكوۆا, ايگەرىم رايىسوۆا سىندى مەكتەپ وقۋشىلارى شىعارمادان ۇزىندىلەر وقىدى. حح عاسىر باسىنداعى قازاق دالاسىنداعى ايەل تەڭسىزدىگىن, ادىلەتسىزدىكتى ارقاۋ ەتكەن شىعارماداعى احمەت پەن قامار بەينەسى كوپشىلىكتى بەيجاي قالدىرمادى. ەكى جاستىڭ اراسىنداعى ىڭكار سەزىم ارقىلى ورىلگەن شىعارما شىندىعى جايلى دا كوپشىلىككە مالىمەت بەرىلدى.
حاميت ەسامان,
«ەگەمەن قازاقستان»
جامبىل وبلىسى