«شىعىس» وڭىرلىك قولباسشىلىعىنىڭ 5518 اسكەري ءبولىمىنىڭ قاتارى قاراعاندى, باتىس قازاقستان, الماتى, وڭتۇستىك قازاقستان وبلىستارىنىڭ جاستارىمەن تولىقتى.
قازاقستان رەسپۋبليكاسى ۇلتتىق ۇلانى ەلىمىز تاۋەلسىزدىك العان كەزەڭنەن باستاپ, پرەزيدەنت نۇرسۇلتان نازارباەۆتىڭ العا قويعان بارلىق ماقسات, جوبالارىن ورىنداۋعا اتسالىسىپ, مەملەكەتىمىزدىڭ قاۋىپسىزدىگى ءۇشىن ابىرويمەن قىزمەت اتقارىپ كەلەدى. حالقىمىزدىڭ تىنىشتىعىن ساقتاۋعا اتسالىسۋمەن قاتار, ۇلتتىق ۇلان وسكەلەڭ جاستاردى دا وتاندى قۇرمەتتەۋگە, تۋعان جەر مەن ەل ءۇشىن قاس-قاعىم ءساتتى دايىن بولۋعا ۇيرەتىپ, اسكەري دايىندىق, وقۋ-جاتتىعۋ جۇمىستارىن دا جۇرگىزۋدەن ءبىر ساتكە قول ۇزگەن ەمەس.
- 5518 اسكەري بولىمىنە شاقىرىلعان 233 جاس ساربازدىڭ دەنى قاراعاندى, باتىس قازاقستان, الماتى, وڭتۇستىك قازاقستان وبلىستارىنان كەلگەن جاستار ەكەن,-دەدى قر ۇلتتىق ۇلانى «شىعىس» وڭىرلىك قولباسشىلىعىنىڭ, باسپاسوزبەن بايلانىس قىزمەتىنىڭ باستىعى باعدات امانگەلدى,-وتان الدىنداعى اسكەري بورىشىمىزدى ادالدىقپەن اتقارامىز, ەلىمىزگە ەڭبەك ەتەمىز, دەستى جاس ساربازدار انت بەرۋ ساتىندە.
سالتاناتتى جيىنعا جينالعان اتا-انالار, ۇستازدار, اسكەري قىزمەتكەرلەر جاڭا بۋىن جاس وكىلدەرگە ءسات-ساپار تىلەدى.
راۋشان نۇعمانبەكوۆا
سەمەي قالاسى