2017 جىلدىڭ ون ايىنىڭ قورىتىندىسى بويىنشا استانادا كريمينالدىق احۋالعا جاسالعان تالداۋدىڭ ناتيجەسى قىلمىستىڭ 20,2% تومەندەگەنىن كورسەتتى. بۇل تۋرالى ەلوردا اكىمدىگىنىڭ مەديا ورتالىعى حابارلادى.
قىلمىس 34 812-دەن 27 795-كە دەيىن تومەندەگەن. ونىڭ ىشىندە كوشەلەردە جاسالعان قىلمىس - 24,2%, قوعامدىق ورىنداردا - 13,5%, كامەلەتكە تولماعاندار جاساعان قىلمىس - 2,1%.
قازىرگى تاڭدا پوليتسيالاردىڭ قوعامدىق كومەكشىلەرى بەلسەنە جۇمىس ىستەۋدە, ولاردىڭ سانى 858 ازاماتقا جەتكەن.
2017 جىلدىڭ قورىتىندىسى حالىقتىڭ جەرگىلىكتى پوليتسيا قىزمەتىنىڭ جۇمىسىنا دەگەن سەنىمى ارتقانىن, قىلمىستىڭ ازايعانىن كورسەتەدى.