ومىرزاق شوكەەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.
«مەملەكەت باسشىسىنىڭ جارلىعىمەن ومىرزاق ەستاي ۇلى شوكەەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ تاعايىندالدى» دەلىنگەن حابارلامادا.
بۇعان دەيىن وسى قىزمەتتى اتقارعان اسقار يسابەك ۇلى مىرزاحمەتوۆ مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسىنىڭ اۋىل شارۋاشىلىعى ءمينيسترى قىزمەتىنەن بوساتىلدى.
ومىرزاق شوكەەۆ 1964 جىلدىڭ 12 ناۋرىزىندا تۇركىستان قالاسىندا دۇنيەگە كەلدى.
1986 جىلى ماسكەۋ ەكونوميكالىق-ستاتيستيكالىق ينستيتۋتىن ەكونوميست-ماتەماتيك ماماندىعى بويىنشا ءتامامدادى.
1986-1988 جج. - قازكسر مەملەكەتتىك جوسپارى جانىنداعى جوسپارلاۋ ۇردىستەرىن اۆتومانتتادىرۋ جانە باسقارۋ قۇرىلىمدارىن جەتىلدىرۋ عزي كىشى عىلىمي قىزمەتكەرى بولىپ جۇمىس ىستەدى.
1988-1991 جىلدارى - ماسكەۋ مەملەكەتتىك ەكونوميكا, ستاتيستيكا جانە ينفورماتيكا ۋنيۆەرسيتەتىنىڭ اسپيرانتى;
1991-1992 جىلدارى - جوسپارلاۋ ۇردىستەرىن اۆتوماتتاندىرۋ جانە باسقارۋ قۇرىلىمدارىن جەتىلدىرۋ عزي جەتەكشى عىلىمي قىزمەتكەرى; 1992-1993 جىلدارى - قر پرەزيدەنتى جانىنداعى جوعارى ەكونوميكالىق كەڭەستىڭ كەڭەسشىسى;
1993 جىلى - قر پرەزيدەنتىنىڭ اپپاراتى مەن مينيسترلەر كابينەتىنىڭ قارجى جانە ەڭبەك ءبولىمى مەڭگەرۋشىسىنىڭ ورىنباسارى;
1993 - 1995 جىلدارى وڭتۇستىك قازاقستان وبلىسى اكىمشىسى باسشىسىنىڭ, اكىمىنىڭ ورىنباسارى;
1995 جىلى قاراشا - 1997 ج. ناۋرىز - قر ەكونوميكا ءمينيسترى; 1997 جىى ناۋرىز - قازان - قر ەكونوميكا جانە ساۋدا ءمينيسترى;
1997 جىلى شىلدە - قازان - قر پرەمەر-ءمينيسترىنىڭ ورىنباسارى (ماكروەكونوميكا, ونەركاسىپتىڭ شۇعىل قىزمەتى, ساۋدا, كولىك, ەنەرگەتيكا, عىلىم, تمد ەلدەرىمەن قارىم-قاتىناس ماسەلەلەرى جونىندەگى);
1997 جىلعى قازان - 1998 جىلعى ءساۋىر - «بانك تۇران-الەم» جاق باسقارماسىنىڭ توراعاسى;
1998 جىلعى ءساۋىر - تامىز - قر پرەزيدەنتى اكىمشىلىگى جەتەكشىسىنىڭ ورىنباسارى;
1998 جىلى تامىز - 2004 جىلعى ناۋرىز - قوستاناي وبلىسىنىڭ اكىمى;
1997 جىلى اقپان - قاراشا - قر پرەزيدەنتى جانىنداعى جوعارى ەكونوميكالىق كەڭەستىڭ مۇشەسى;
1997 جىلعى قاراشا - 1998 جىلعى تامىز - قر تۇراقتى دامۋ جونىندەگى ۇلتتىق كەڭەستىڭ مۇشەسى;
1997 جىلعى ناۋرىز - جەلتوقسان - «قازاقويل» ۇمك» جاق باقىلاۋ كەڭەسىنىڭ توراعاسى;
2004 جىلدىڭ ناۋرىزىنان باستاپ استانا قالاسىنىڭ اكىمى;
2006 جىلدىڭ قىركۇيەگىنەن باستاپ وڭتۇستىك قازاقستان وبلىسىنىڭ اكىمى;
2007 جىلدىڭ تامىزىنان باستاپ قر پرەمەر-ءمينيسترىنىڭ ورىنباسارى;
2009 جىلدىڭ 3 ناۋرىزىندا قازاقستان پرەزيدەنتىنىڭ قاۋلىسىمەن قر پرەمەر-ءمينيسترىنىڭ ءبىرىنشى ورىنباسارى;
2011 جىلدىڭ 11 ساۋىرىندە مەملەكەت باسشىسىنىڭ قاۋلىسىمەن كەزەكتى رەت قر پرەمەر-ءمينيسترىنىڭ ءبىرىنشى ورىنباسارى قىزمەتىنە تاعايىندالدى.
قازاقستان رەسپۋبليكاسى ۇكىمەتىنىڭ 2011 جىل 26 جەلتوقسانداعى №1600 قاۋلىسىمەن «سامۇرىق-قازىنا» اق باسقارماسىنىڭ توراعاسى بولىپ تاعايىندالىپ, ديرەكتورلار كەڭەسىنىڭ قۇرامىنا «سامۇرىق-قازىنا» اق باسقارما توراعاسى رەتىندە سايلاندى. قازاقستان رەسپۋبليكاسى ۇكىمەتىنىڭ 2014 جىلعى 8 قاڭتارداعى № 1493 قاۋلىسىمەن «سامۇرىق-قازىنا» اق ديرەكتورلار كەڭەسىنىڭ قۇرامىنا «سامۇرىق-قازىنا» اق باسقارما توراعاسى رەتىندە قايتا سايلاندى.